Dunyodagi eng yirik neft yetkazib beruvchilardan biri hisoblangan Kuvayt global isish va hukumatining zararli gazlar chiqarishni qisqartirishni istamayotgani bois yashash uchun yaroqsiz holga kelib qolmoqda, deb xabar beradi Bloomberg.
2021-yili mamlakatda havo harorati iyun oyida 50 darajadan oshgan: jaziramaning eng yuqori cho‘qqisidan bir necha hafta oldin. Atrof-muhitni muhofaza qilish davlat boshqarmasi prognozlariga ko‘ra, mamlakatda 2071—2100-yillarda o‘rtacha harorat iqlim normasidan 4,5 darajaga ko‘tariladi, bu esa hududni yashash uchun yaroqsiz holatga keltiradi.
Yovvoyi tabiat hozirdanoq xavf ostida qolgan: yoshda qushlar suv va soya topa olmay halok bo‘lmoqda, sut emizuvchilarni esa “issiq urmoqda”. Bundan tashqari, yovvoyi hayvonlar oddiy yashash sharoitidan yashillik topa olmay, shaharlarga kelyapti.
“Kuvaytda yovvoyi hayvonlarni uchratish tobora kamayib ketmoqda, chunki ularning aksariyati mavsumlardan omon chiqmayapti”, — deydi veterinal Ramara Kabazard.
Kuvayt neft eksporti bo‘yicha Neft eksport qiluvchi mamlakatlar tashkilotida (OPEK) to‘rtinchi o‘rinni egallagan va zararli gazlarning havoga chiqarilishi qisqartirishga mablag‘lar emas, balki hokimiyatning harakatsizligi xalaqit bermoqda. Shu bilan birga, Yaqin Sharqdagi boshqa mamlakatlar global isishga qarshi kurashish uchun qator majburiyatlarni zimmasiga olgan: BAA 2050-yilga borib, Saudiya Arabistoni esa 2060-yilda uglerod neytralligiga erishish niyatida. Kuvayt issiqxona gazlari chiqarilishini 2035-yilgacha 7,4 foizga qisqartirishga va’da bergan.
O‘z navbatida mahalliy aholi ham iqlim o‘zgarishlaridan aziyat chekmoqda: shaxsiy mashinalarida harakatlangani sabab zararli gazlarning ma’lum qismi havoga tarqamoqda, mamlakatdagi barcha binolarga esa konditsionerlar o‘rnatilgan.
Avvalroq JSST 15 yil ichida birinchi marta havo sifati bo‘yicha tavsiyalarini kuchaytirgani to‘g‘risida xabar berilgandi. Havo ifloslanishidan yiliga 7 million kishi vafot etadi — bu chekish oqibatidagi o‘lim darajasiga yaqindir. Kanada va Britaniya olimlari guruhi tomonidan o‘tkazilgan tadqiqotlarga ko‘ra esa iqlim o‘zgarishlari sabab Yer 500 yildan so‘ng yashash uchun yaroqsiz holga kelib qoladi.
Izoh (0)