Yaponiya sohillariga sunami yopirildi (video)
Yaponiya sohillarida erta tongda ogohlantirish berilganidan bir necha daqiqa o‘tgach, sunami hamda vulqon otilishi kabi tabiiy ofatlar yuz berdi. Mamlakatda 3 metr balandlikkacha sunami xavfi e’lon qilingan, shuningdek, Kuril orollarida ham Tonga vulqoni otilganidan keyin favqulodda ogohlantirish berilgan. Bu haqda “Kommersant” xabar berdi.
Tinch okeanidagi Yaponiyaning Amami hamda Tokara orollarida ham favqulodda xavf haqida ogohlantirish e’lon qilingan.
Mazkur orollarda 1,2 metr balandlikdagi sunami kuzatilgan, suv sathi ayrim joylarda 3 metr balandlikkacha ko‘tarilgan. Sunami to‘lqinlari Xokkaydo oroli sohillaridan Okinavagacha yetib borgan, deyiladi The Japan Times xabarida.
Shuningdek, sunami xavfi haqida Yaponiyadan tashqari AQShning Alyaska, Vashington, Kaliforniya, Oregon va Gavayi shtatlarida ham AQSh sunamidan ogohlantirish milliy markazi tomonidan xabarnoma berilgan.
Sunami xavfi haqida Kuril orollarida ogohlantirish berilgan, deya xabar qilgan “RIA Novosti”. Saxalin oroli favqulodda vaziyatlar xizmati vakili to‘lqinlar balandligi 2 metrdan oshmasligini ma’lum qilgan.
Mavzuga doir: Rossiyaning Saxalin viloyatidagi qor sikloni sovuq shamollar va bo‘ron olib keldi (foto)
Sunamining aholi hamda hududga xavf solmasligi aytilgan. Qutqaruvchilar ikkita portni Janubiy Kuril hamda Kuril shahri okruglariga tegishli axborotni yetkazgan.
Mavzuga doir: Butun jahon okeanini aylanib chiqqan sunami. Hind okeanidagi eng talafotli sunami tarixi
