Meksikalik jurnalist Margarito Martines Tixuanadagi uyi ostonasida otib ketildi. Bu haqda jurnalist ishlagan Cadena Noticias nashriga tayanib, “RIA Novosti” xabar berdi.
“Tixuanalik politsiya xronikasi muxbiri Margarito Martines Eskivel bugun tongda uyidan chiqayotganida otib ketilgan. Politsiya tergov boshlagan, ammo bu borada rasmiy pozitsiya hozircha yo‘q”, — deydi marhumning rafiqasi.
Martines mintaqaviy jinoyatchilikka bog‘liq mavzuda mahalliy va xalqaro nashrlar bilan muallif hamda suratkash sifatida hamkorlik qilib kelgan.
Ma’lumotlarga ko‘ra, 2021-yil davomida Meksikada jami yetti nafar jurnalist o‘ldirib ketilgan — bu dunyo mamlakatlari orasida eng yuqori ko‘rsatkich.
2021-yil dekabr holatiga ko‘ra, Meksikada butun mamlakat bo‘ylab 2011 nafar huquq himoyachisi va 495 nafar jurnalistni himoya qilish tashabbusi amal qilmoqda. Mamlakat prezidenti Lopes Obrador lavozimga kelgan 2018-yilning dekabridan beri rasmiy ma’lumotlarga ko‘ra, Meksikada 96 nafar faol, 47 nafar jurnalist va OAV xodimlari o‘ldirilgan. Ensinasning so‘zlariga ko‘ra, jurnalistlarga qarshi jinoyatlarning 90 foizi jazosiz qolmoqda.
Izoh (0)