Futbol bo‘yicha Angliya Liga Kubogining yarim final bosqichidan o‘rin olgan o‘yinda “Chelsi” va “Tottenhem” jamoalari 5-yanvar, chorshanba kuni o‘zaro bahs yuritdi.
London mezbonlik qilgan uchrashuv “ko‘klar”ning ishonchli g‘alabasi bilan yakunlandi. 5-daqiqada Kay Haverts hisobni ochgan bo‘lsa, Ben Devis 34-daqiqada o‘z darvozasiga gol urib, oradagi farqning oshishiga sababchi bo‘ldi. Shundan so‘ng darvozalarga bosh to‘p kiritilmadi.
Shu tariqa “Chelsi” 1/2 finalning dastlabki o‘yinida ishonchli g‘alabaga erishdi. Javob bellashuvi 12-yanvar sanasiga belgilangan. Mazkur bosqichdan o‘rin olgan “Liverpul” — “Arsenal” o‘yini esa Mersisayd klubidagi koronavirus bilan bog‘liq tang vaziyat tufayli 20-yanvar sanasiga qoldirildi.
Angliya Liga Kubogi
Yarim final bahsi
5-yanvar, chorshanba
“Chelsi” – “Tottenhem” 2:0
Golllar: 1:0 – 5 Haverts, 2:0 – 34, avtogol Devis.“Chelsi”: Arrisabalaga, Aspilikueta (Veyl, 90), Ryudiger, Sarr, Alonso, Saul (Loftus-Chik, 73), Jorjinyo, Ziyesh (Pulishich, 79), Maunt (Kovachich, 73), Haverts (Verner, 46), Lukaku.
“Tottenhem”: Lyoris, Emerson, Devis, Sanches, Tanganga, Doerti (Ndombele, 46), Hyoybyerg, Skipp (Uinks, 73), Son Hyon Min (Lo Chelso, 79), Lukas Moura (Hil, 80), Keyn.
Ogohlantirishlar: Sarr (62).
Izoh (0)