Футбол бўйича Англия Лига Кубогининг ярим финал босқичидан ўрин олган ўйинда «Челси» ва «Тоттенҳэм» жамоалари 5 январь, чоршанба куни ўзаро баҳс юритди.
Лондон мезбонлик қилган учрашув «кўклар»нинг ишончли ғалабаси билан якунланди. 5-дақиқада Кай Ҳаверц ҳисобни очган бўлса, Бен Дэвис 34-дақиқада ўз дарвозасига гол уриб, орадаги фарқнинг ошишига сабабчи бўлди. Шундан сўнг дарвозаларга бош тўп киритилмади.
Шу тариқа «Челси» 1/2 финалнинг дастлабки ўйинида ишончли ғалабага эришди. Жавоб беллашуви 12 январь санасига белгиланган. Мазкур босқичдан ўрин олган «Ливерпуль» — «Арсенал» ўйини эса Мерсисайд клубидаги коронавирус билан боғлиқ танг вазият туфайли 20 январь санасига қолдирилди.
Англия Лига Кубоги
Ярим финал баҳси
5 январь, чоршанба
«Челси» – «Тоттенҳэм» 2:0
Голллар: 1:0 – 5 Ҳаверц, 2:0 – 34, автогол Дэвис.«Челси»: Аррисабалага, Аспиликуэта (Вейл, 90), Рюдигер, Сарр, Алонсо, Сауль (Лофтус-Чик, 73), Жоржиньо, Зиеш (Пулишич, 79), Маунт (Ковачич, 73), Ҳаверц (Вернер, 46), Лукаку.
«Тоттенҳэм»: Льорис, Эмерсон, Дэвис, Санчес, Танганга, Доэрти (Ндомбеле, 46), Ҳёйбьерг, Скипп (Уинкс, 73), Сон Ҳён Мин (Ло Чельсо, 79), Лукас Моура (Ҳил, 80), Кейн.
Огоҳлантиришлар: Сарр (62).
Изоҳ (0)