4-yanvar, seshanba kuni rossiyalik mashhur milliarder Boris Rotenbergning o‘g‘li Roman Rotenberg “SKA” xokkey klubi bosh murabbiyiga aylandi. Bu xabar sport jamoatchiligini karaxt ahvolga tushirib qo‘ydi. Chunki Roman Rotenberg murabbiylikka qadar “SKA” klubining birinchi vitse-prezidenti lavozimida ishlab kelardi. Ko‘pchilik muxlis-u mutaxassislar esa uni murabbiyga aylanishini tasavvur ham qilmagandi.
Barcha muhokama va tanqidlar bilan band bo‘lib turgan bir paytda, “SKA” klubi Roman Rotenberg qo‘l ostida ilk o‘yinni KXL doirasida “Kunlun” jamoasiga qarshi o‘tkazib, 5:1 hisobida g‘alaba qozondi. O‘yindan keyin esa Romanga nima sababdan bosh murabbiy bo‘lishga qaror qilgani haqida savol berildi. Uning javobini uzoq yillar eslab yuriladigan iqtiboslar ro‘yxatiga kiritsa bo‘ladi:
“Yoze Marino murabbiylik faoliyatini qanday boshlaganini bilasiz. U Aleks Fergyusonga tarjimonlik qilgan. Oddiy tarjimon sifatida Fergyusonning barcha tajribasini o‘zlashtirib olib, muvaffaqiyatli murabbiyga aylandi. Tarixda bunday murabbiylar ko‘p”, — dedi Roman Rotenberg.
Albatta, Rotenberg “Yoze Marino” deganda portugaliyalik murabbiy Joze Mourinyoni nazarda tutgan. Ammo iqtibosning eng kulgili joyi bunda ham emas. Gap shundaki, Mourinyo faoliyati davomida Fergyusonga emas, boshqa britaniyalik mashhur murabbiy Bobbi Robsonga tarjimonlik qilgan. Fergyuson bilan umuman birga ishlamagan.
Gap futboldagi eng kulgili va g‘alati iqtiboslar haqida ketar ekan, “Daryo” futbol tarixidagi ana shunday eng sara iqtiboslarni esga olishga qaror qildi.
Qachon Braziliya terma jamoasi xokkeyda jahon chempioni bo‘lsa, shundagina Rossiya terma jamoasi futbol bo‘yicha jahon chempioni bo‘la oladi.Pele
Albatta, men Shekspir kitobini o‘qiganman. Faqat muallifi kimligi esimda yo‘q.Franchesko Totti
Biz mag‘lubiyatga uchradik, chunki g‘alaba qozona olmadik.Ronaldo
Jarohatlar meni izma-iz ta’qib qilib yuribdi. Ulardan qanday qutulishni bilmayapman. Balki ularga meni dastxatim kerakdir?Alessandro del Pyero
Agar siz odamlarga yoqsangiz — siz eng yaxshisiz. Agar odamlar sizdan nafratlanishsa, unda siz eng zo‘risiz.Joze Mourinyo
Men jon deb biror Italiya klubida o‘ynagan bo‘lardim. Masalan, “Barselona”daMark Dreyper
O‘yin natijasi haqidagi taxminlarni qilishning eng yaxshi payti — bu o‘yin tugagandan keyingi payt.Joao Domingos Pintu
Har bir o‘yinda mag‘lubiyatga uchrasak ham mayli. Chempionatni yutsak bo‘ldi.Mark Viduka
Messining o‘yinini ko‘rib, qayerdan ham futbolni tanladim, deb o‘ylanib qolasan kishi.Andrey Arshavin
O‘yinning 99 foizida biz ustunlikka ega bo‘ldik. Ammo qolgan 3 foizi bizga qimmatga tushdi.Rud Gullit
Italiyada o‘ynash menga yoqmadi. O‘zimni xuddi boshqa mamlakatga kelib qolgandek his qilyapman.Uelslik Ian Rash
Men dunyodagi eng zo‘r murabbiymasman. Ammo mendan zo‘rroq murabbiy bor deb o‘ylamayman.Joze Mourinyo
Futbol qoidalari juda oddiy: agar harakatlanyaptimi — ur, agar qimirlamayotgan bo‘lsa harakatni boshlab qolmasligi uchun ur.Devid Bekhem
Mening falsafam: to‘p yo‘qmi — pas yo‘q, pas yo‘qmi — nazorat yo‘q, nazorat yo‘qmi — futbol yo‘q. To‘pdan tezroq yugurushning ilojisi yo‘q.Pep Gvardiola
Nima uchun gol kiritganimdan keyin uni nishonlamayman? Chunki bu mening ishim. Pochtalyon har safar xatni egasiga yetkazib berganida qarsak chalib, osmonga sakramaydiku?!Mario Balotelli
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)