Syerra-Leone poytaxti Fritaunda 5-noyabr kuni yuk mashinasi bilan to‘qnashgan benzovoz portlashi oqibatida 100 dan ortiq odam halok bo‘ldi. Bu haqda “Korrespondent.net” xabar qildi.
Poytaxt meri Ivon Aki-Savyerning so‘zlariga ko‘ra, holat shaharning Bay Bureh turar joy massivida sodir bo‘lgan. Taxminlarga ko‘ra, hodisa oqibatida 100 nafardan ortiq odam halok bo‘lgan. Moddiy zarar miqdori noma’lum. Shahar hukumati qurbonlarning yaqinlariga hamdardlik bildirgan.
Mahalliy OAVning qayd etishicha, qurbonlar soni kutilganidan ko‘proq bo‘lishi mumkin. Bunga sabab sifatida ko‘plab odamlarning avtohalokatdan keyin yoqilg‘ini tekinga quyib olish uchun qulagan benzin sisternasi oldiga yugurgani ko‘rsatilgan. Hodisa vaqtida atrofda bo‘lgan kishilarning bir qanchasi kuygan va yaralangan. Portlash va yong‘in oqibatida o‘nlab binolar vayron bo‘lib, ikkita yoqilg‘i quyish shoxobchasi yonib ketgan.
Mart oyida Afrikaning boshqa bir davlati — Ekvatorial Gvineyada bazada yuz bergan portlashlar oqibatida 100 ga yaqin kishi halok bo‘lgan, 400 dan ziyod odam jarohatlangandi.
Mavzuga doir:
Izoh (0)