Pentagon AQShning yadroviy siyosatni qayta ko‘rib chiqish borasidagi harakatlariga qarshi chiqmoqda. Mazkur tashabbus doirasida Qo‘shma Shtatlar mamlakat xavfsizligini ta’minlashda yadroviy qurolning rolini cheklashi mumkin, deb xabar beradi “RBK”.
Politico nashrining yozishicha, Milliy xavfsizlik kengashi noyabrda Qo‘shma Shtatlar yadroviy quroldan foydalanish shartlari muhokama qilinadigan yig‘ilishni o‘tkazadi. Ma’lumotlarga ko‘ra, mavjud variantlar orasida — quroldan birinchi bo‘lib foydalanmaslik siyosatini yoki mamlakat arsenalining “yagona maqsadi” undan oddiy urushlarda foydalanish emas, balki yadroviy mojaroning oldini olish bayonotini qabul qilish.
Ta’kidlanishicha, ikkisi ham amaldagi konsepsiyadan chetlashishni anglatgan bo‘ladi. Mamlakat birinchi bo‘lib zarba berish yoki bermasligi borasidagi AQSh siyosati ataydan noaniqligicha qolmoqda, yadroviy arsenal “yadroviy va yadroviy bo‘lmagan hujumlarni ushlab turish” uchun mo‘ljallangani aytilyapti.
AQSh Mudofaa vazirligi kiritiladigan o‘zgartirishni qo‘llab-quvvatlamaydi, idora “Xitoy va Rossiya qurollanishni kuchaytirayotgan paytda status-kvoni saqlab qolish niyatida”. Yadroviy strategiyaga o‘zgartirish kiritish borasidagi yakuniy qarorni prezident Jo Bayden qabul qiladi. Ammo gazeta manbalarining ma’lum qilishicha, qaror davlat rahbariga qanday nuqtayi nazarlar taqdim etilishiga bog‘liq bo‘ladi. Maqolada qayd etilishicha, Pentagon “unga katta tanlovni taqdim etish niyatida emas”. “Yagona maqsad yoki birinchi zarba berishdan voz kechish variantlar sifatida taqdim etilish ehtimoli kam”, — deydi idora vakili.
Pentagon vakili Jon Kirbining so‘zlariga ko‘ra, bu aniq bo‘lmagan bayonot. Mudofaa vazirligi yadroviy doktrinani qayta ko‘rib chiqish bo‘yicha “inklyuziv, keng qamrovli jarayonda” ishtirok etmoqda, biroq qaror prezident darajasida qabul qiladi.
Pentagon hisobotiga ko‘ra, 2018-yilning fevralidagi “Yadroviy siyosat obzori”ga bo‘yicha AQSh hech qachon yadroviy quroldan birinchi bo‘lib foydalanmaslik prinsipini qabul qilmagan va zamonaviy xavflar hisobga olinsa, bu kabi siyosat maqbul emas.
Avvalroq Pentagon Xitoy o‘zining yadroviy kuchlarini kengaytirayotganini ma’lum qilgandi. Unga ko‘ra, Xitoy 2027-yilga qadar qurollanishga 700 ta yadro kallagini yetkazib berishni, 2030-yilga borib esa ularning sonini mingga yetkazishni rejalashtirmoqda.
Izoh (0)