O‘zbekistonda 2021-yil boshidan beri 6551 ta yo‘l-transport hodisasi sodir etilgan. Bu haqda IIV matbuot kotibi Shohrux G‘iyosov ma’lum qildi.
Ta’kidlanishicha, sodir etilgan avariyalarning 1682 tasi o‘lim bilan tugagan. Jarohat olganlar soni esa 5920 tani tashkil etadi. Yo‘l-transport hodisalarining deyarli 40 foizi tezlikni me’yoridan oshirish natijasida yuzaga kelgan.
Ma’lumot uchun, O‘zbekistonda olti oy ichida sodir bo‘lgan YTHlar oqibatida 954 kishi halok bo‘lgan, ularning 104 nafari voyaga yetmagan bolalar.
Avvalroq Oliy Majlis Qonunchilik palatasidagi “Adolat” sotsial-demokratik partiyasi fraksiyasi avtomobil tezligini belgilangan tezlikdan oshirgani uchun jarima miqdorini kamaytirishni taklif qilgandi. Partiyaning taklifi mashhur blogerlar va jamoatchilik tomonidan tanqid qilindi. Adliya vazirligi esa vazir Ruslanbek Davletovga tayanib, shu kuni qonun loyihasida ushbu qonunbuzarlik uchun jarimani kamaytirish nazarda tutilmaganligini e’lon qildi.
Izoh (0)