2021-yilning 1-oktabr holatiga ko‘ra, O‘zbekistonning doimiy aholisi soni 35 million 79 ming 200 kishini tashkil etmoqda. Bu haqda Davlat statistika qo‘mitasi xabar berdi.
Ma’lum qilinishicha, mamlakatdagi doimiy aholi soni 2020-yilning mos davriga nisbatan 2 foizga oshgan. Shunday qilib, O‘zbekistonning doimiy aholisi so‘nggi 30 yil ichida 13,9 million kishiga oshgan.
Eslatib o‘tamiz, 2021-yilning 7-sentabr holati bo‘yicha respublikaning doimiy aholisi 35 million 153 kishini tashkil etgandi.
Bundan avval O‘zbekistonning doimiy aholisi soni 30 yil ichida qanchaga o‘sgani, mamlakatda ajrashgan oilalarning 33,8 foizi 1—4 yil yashagandan so‘ng nikohni bekor qilgani hamda 2021-yil boshidan buyon 10,6 ming kishi doimiy yashash uchun boshqa davlatlarga ko‘chib ketgani haqida xabar berilgandi.
Izoh (0)