Ўзбекистонда 2021 йил бошидан бери 6551 та йўл-транспорт ҳодисаси содир этилган. Бу ҳақда ИИВ матбуот котиби Шоҳрух Ғиёсов маълум қилди.
Таъкидланишича, содир этилган аварияларнинг 1682 таси ўлим билан тугаган. Жароҳат олганлар сони эса 5920 тани ташкил этади. Йўл-транспорт ҳодисаларининг деярли 40 фоизи тезликни меъёридан ошириш натижасида юзага келган.
Маълумот учун, Ўзбекистонда олти ой ичида содир бўлган ЙТҲлар оқибатида 954 киши ҳалок бўлган, уларнинг 104 нафари вояга етмаган болалар.
Аввалроқ Олий Мажлис Қонунчилик палатасидаги «Адолат» социал-демократик партияси фракцияси автомобиль тезлигини белгиланган тезликдан оширгани учун жарима миқдорини камайтиришни таклиф қилганди. Партиянинг таклифи машҳур блогерлар ва жамоатчилик томонидан танқид қилинди. Адлия вазирлиги эса вазир Русланбек Давлетовга таяниб, шу куни қонун лойиҳасида ушбу қонунбузарлик учун жаримани камайтириш назарда тутилмаганлигини эълон қилди.
Изоҳ (0)