Namangan viloyati Davlatobod tumanida Damas 68 yoshli fuqaroni urib yubordi, deya xabar qilmoqda viloyat IIBB axborot xizmati.
Qayd etilishicha, 2021-yil 2-oktabr kuni soat 20:00 larda Namangan shahar, Davlatobod tumani, “O‘rta G‘irvon” MFY hududida Namangan tumanida yashovchi, 1960-yilda tug‘ilgan fuqaro Damas rusumli avtomashinasini ishonch qog‘ozi bilan boshqarib borayotib, harakat xavfsizligini ta’minlay olmay, yo‘lni kesib o‘tayotgan piyoda, Namangan shahrida yashagan, 1953-yilda tug‘ilgan fuqaroni urib yuborgan.
Oqibatda piyoda tan jarohati olib, shifoxonada vafot etgan.
Ushbu holat bo‘yicha Davlatobod tumani IIB huzuridagi еergov bo‘linmasi tomonidan 2021-yil 2-oktabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish qoidalarini buzish) bilan jinoyat ishi qo‘zg‘atilgan.
Bundan avval Toshkentda 36 yoshli velosipedchi Lada urib yuborishi oqibatida vafot etgani, Qamchiq dovonida 4 ta mashina ishtirokida YTH yuz bergani hamda Sirdaryoda haydovchisi uxlab qolgan Matiz temir to‘siqqa urilishi oqibatida yo‘lovchi halok bo‘lgani haqida xabar berilgandi.
Izoh (0)