Barbi ishlab chiqaruvchi koronavirusga qarshi kurashda yordam berayotgan tibbiyot xodimlari sharafiga qo‘g‘irchoqlar kolleksiyasini taqdim etdi

Barbi qo‘g‘irchoqlarini ishlab chiqarish bilan shug‘ullanuvchi Mattel Oksford universiteti va AstraZeneca kompaniyasining koronavirusga qarshi vaksinasini yaratishda ishtirok etgan tadqiqot laboratoriyasi rahbari Sara Gilbertning obrazidagi qo‘g‘irchoqni taqdim etdi, deb xabar beradi Esquire.

Gilbertning so‘zlariga ko‘ra, Britaniya imperiyasi ordeni sohibasi avvaliga kompaniyaning g‘oyasini “juda g‘alati” deb hisoblagan, biroq u bunday usul bolalarni ilhomlantirishga yordam berishiga umid qilmoqda. “Mening qo‘g‘irchog‘im bolalar bilmasligi mumkin bo‘lgan vaksinolog sohasini ko‘rsatib berishini xohlayman”, — deydi u.

Shuningdek, ayol mazkur qo‘g‘irchoqni ko‘rgan qizlar ilmiy sohada ishlash va butun dunyoga yordam berish qanchalik muhimligini tushunishiga umid qilmoqda.

Mattel kompaniyasi ilm-fan, texnologiya, injeneriya va matematika (STEM) yo‘nalishida faoliyat ko‘rsatayotgan ayollarga bag‘ishlangan yana beshta qo‘g‘irchoqni taqdim etdi. Shunday qilib, Gilbertdan tashqari, tibbiyot xodimlari uchun ko‘p martalik himoya kostyumini yaratgan avstraliyalik olim Kibri Uayt, braziliyalik biomedik-olima Jaklin Goes de Jezus, amerikalik shifokorlar Emi O’Sallivan va Odri Kruz, shuningdek, kanadalik shifokor Chiki Steysi Oriuva ham Barbi’ga aylangan.

Eslatib o‘tamiz, 2019-yilda Barbi ishlab chiqaruvchisi gender-neytral qo‘g‘irchoqlarni sotuvga chiqargandi. Ular stereotiplar bilan kurashishga mo‘ljallangan.