Finlyandiyadagi “Lordi” xard-rok guruhi yetakchisi Janob Lordi (Tomi Putaansuu) koronavirusga qarshi vaksinatsiyaga o‘zining to‘liq jamlanmasida tashrif buyurdi, deb yozadi Meduza.
2006-yilda “Yevrovideniye”dagi g‘alabasi sabab mashhurlikka erishgan qo‘shiqchi emlanishga maxluq kostyumida kelgan.
“Umuman olganda, buning hayratlanarli joyi yo‘q: guruh ishtirokchilari hatto baliq oviga ham shu kabi ko‘rinishda boradi”, — deyiladi xabarda.
Xard-rok, glem-metal, xevi-metal, shok-rok yo‘nalishlarida qo‘shiq kuylovchi “Lordi” guruhiga 1992-yilda asos solingan. Guruh turli maxluqlar ko‘rinishidagi niqob va kostyumlarda chiqish qilishi bilan tanilgan.
Izoh (0)