IKEA Family dasturiga 10 yil to‘lishi munosabati bilan kompaniya frikadelka (sho‘rvada pishirilgan yumaloq qiyma) hidiga ega Huvudroll Meatball nomli shamni taqdim etdi, deb xabar beradi “Afisha.uz”.
Cheklangan miqdordagi mahsulot Store in a Box — uyda IKEA muhitini hosil qilishga yordam beradigan “qutidagi do‘kon” jamlanmasining bir qismi bo‘lib, “do‘konga tashrif buyurilgandagi sensorli hayratni” o‘zida birlashtiradi.
IKEA Store in a Box jamlanmasi sotilmaydi — ularni IKEA Family dasturida ro‘yxatdan o‘tganlar va 22-avgustga qadar kompaniya sayti orqali ariza tashlaganlar yutib olishi mumkin. Hozircha jamlanmalar faqat AQShda o‘ynalmoqda, biroq IKEA ushbu aksiyasini boshqa mamlakatlarda ham joriy etishi mumkin.
Eslatib o‘tamiz, 2021-yilning 8-fevral kuni O‘zbekiston Prezidenti Toshkent viloyatlaridagi investitsiya loyihalari bilan tanishgani to‘g‘risida xabar berilgandi. Unda davlat rahbariga IKEA kompaniyasining innovatsion mebel ishlab chiqarish fabrikasi qurilishi loyihasi ham taqdim etilgan. Keyinroq IKEA O‘zbekistonda fabrika ochishni rejalashtirayotganiga oid xabarlarni rad etgandi.
Izoh (0)