Barbi қўғирчоқларини ишлаб чиқариш билан шуғулланувчи Mattel Оксфорд университети ва AstraZeneca компаниясининг коронавирусга қарши вакцинасини яратишда иштирок этган тадқиқот лабораторияси раҳбари Сара Гильбертнинг образидаги қўғирчоқни тақдим этди, деб хабар беради Esquire.
Гильбертнинг сўзларига кўра, Британия империяси ордени соҳибаси аввалига компаниянинг ғоясини «жуда ғалати» деб ҳисоблаган, бироқ у бундай усул болаларни илҳомлантиришга ёрдам беришига умид қилмоқда. «Менинг қўғирчоғим болалар билмаслиги мумкин бўлган ваксинолог соҳасини кўрсатиб беришини хоҳлайман», — дейди у.
Шунингдек, аёл мазкур қўғирчоқни кўрган қизлар илмий соҳада ишлаш ва бутун дунёга ёрдам бериш қанчалик муҳимлигини тушунишига умид қилмоқда.
Mattel компанияси илм-фан, технология, инженерия ва математика (STEM) йўналишида фаолият кўрсатаётган аёлларга бағишланган яна бешта қўғирчоқни тақдим этди. Шундай қилиб, Гильбертдан ташқари, тиббиёт ходимлари учун кўп марталик ҳимоя костюмини яратган австралиялик олим Кибри Уайт, бразилиялик биомедик-олима Жаклин Гоэс де Жезус, америкалик шифокорлар Эми ЎСалливан ва Одри Круз, шунингдек, канадалик шифокор Чики Стейси Ориува ҳам Barbi’га айланган.
Эслатиб ўтамиз, 2019 йилда Barbi ишлаб чиқарувчиси гендер-нейтрал қўғирчоқларни сотувга чиқарганди. Улар стереотиплар билан курашишга мўлжалланган.
Мавзуга доир: Фото: Дунёнинг энг машҳур «жонли Barbi»лари
Изоҳ (0)