Turkiyada kuzatilayotgan keng ko‘lamli o‘rmon yong‘inlari sabab mamlakat prezidenti Rajab Toyyib Erdo‘g‘on gumanitar yordam sifatida odamlar choy paketchalarini tarqatdi, deb xabar beradi “Korrespondent.net”.
Turkiya prezidentining bu kabi gumanitar aksiyasi ijtimoiy tarmoqlarda bir zumda tarqalib, foydalanuvchilar o‘rtasida memga aylanib ketdi.
“Eng muhimi — tushkunlikka tushmaslik”, — deb yozadi Telegram’dagi Perepichka News kanali va bir nechta qiziqarli suratlarni taqdim etgan.
Ayrimlar ushbu holatni o‘tgan yili Kiyevda uy qulagan joyga ichimlik uchun limon ko‘tarib kelgan “Xalq noibi” partiyasi deputati Nikolay Tishenko bilan bog‘liq voqeaga qiyoslagan.
“Chunki bizning choyimiz bor. Shu kabi og‘ir vaziyatda boshimizga choy otgan Rajab Toyyib Erdo‘g‘onga rahmat. Bizga faqat choy kerak va u buni biladi”, — deb yozadi Mertt Yukksel ismli foydalanuvchi.
Shuningdek, Erdo‘g‘onni yaxshilik qiladigan pariga o‘xshatishgan.
Bundan tashqari, uning uchgan holda choy tarqatayotgani, boy va saxiy sifatida tasvirlangan memlari tarqalgan.
Mavzuga doir: OAV: Turkiyada “Olov bolalari” terrorchilik tashkiloti o‘rmon yong‘inlari uchun javobgarlikni o‘z zimmasiga oldi
Izoh (0)