Andijon viloyati Oltinko‘l tumanida uchta avtomobil ishtirokida sodir bo‘lgan yo‘l-transport hodisasi oqibatida 26 yoshli fuqaro vafot etdi. Bu haqda IIV YHXBB axborot xizmati xabar berdi.
Ma’lum qilinishicha, tumanning “Ijtimoyat” mahallasida Damas avtomobili yuqori tezlikda harakatlanib kelayotib, haydovchi boshqaruvni yo‘qotishi oqibatida qarama-qarshi yo‘lga o‘tib ketgan. Oqibatda mashina Nexia bilan to‘qnashgan. Damas’ning old o‘rindig‘idagi yo‘lovchi tan jarohatlar olib, kasalxonada vafot etgan. E’lon qilingan kadrlarda yana bir Nexia-2 avtomobil ham to‘qnashuvda ishtirok etganini ko‘rish mumkin.
Ta’kidlanishicha, Damas haydovchisi 3 oy oldin haydovchilik guvohnomasini olgan. YTHga uning tajribasizligi va katta tezlikda harakatlangani sabab bo‘lgan. Voqea joyi o‘rganilganda yo‘lga yotiq chiziqlar chizilgani, yo‘l chiroqlari va belgilari o‘rnatilgani aniqlangan.
Holat yuzasidan tergovga qadar surishtiruv ishlari davom etmoqda.
Avvalroq Buxoroda Nexia ag‘darildi, haydovchi va yo‘lovchi mashina tagida qolgani, Navoiyda yo‘ldan chiqib ketib ag‘darilgan Nexia-3’da bir kishi halok bo‘lgani, Toshkentda ikkita Mercedes va Nissan ishtirokida YTH sodir bo‘lgani to‘g‘risida xabar berilgandi.
Izoh (0)