2021-yilning 29-iyul—2-avgust kunlari O‘zbekiston tashqi ishlar vaziri Abdulaziz Komilov boshchiligidagi delegatsiya amaliy tashrif bilan Janubiy Koreyada bo‘ladi. Bu haqda TIV maxsus vakili Yusup Kabuljanov ma’lum qildi.
Tashrif dasturida Tashqi ishlar vazirligi, parlament, Koreya xalqaro hamkorlik agentligi (KOICA), Yashil o‘sish global instituti (GGGI) va Janubiy Koreyaning boshqa idoralarida uchrashuvlar va muzokaralar, shuningdek, Inchhon shahridagi Koreya—O‘zbekiston biznes markazi faoliyati bilan tanishish ko‘zda tutilgan.
Siyosiy, savdo-iqtisodiy va madaniy-gumanitar sohalardagi o‘zaro hamkorlikning keng ko‘lamli kun tartibini, shuningdek, bo‘lajak ikki tomonlama tadbirlarni muhokama qilish rejalashtirilgan.
Eslatib o‘tamiz, Abdulaziz Komilov boshchiligidagi O‘zbekiston delegatsiyasi 2020-yilning noyabrida “Janubiy Koreya—Markaziy Osiyo” hamkorlik forumida ishtirok etgan va Janubiy Koreya tashqi ishlar vaziri Kan Gyon Hva bilan uchrashgan edi.
Izoh (0)