Baqlajon va pomidor qo‘shib pechda pishiriladigan go‘sht retsepti

Tomat pastasi va sarimsoq qo‘shilgan go‘sht juda ham yumshoq hamda mazali bo‘lib pishadi.

Kerakli mahsulotlar:

• piyoz — 1 dona;
• mol go‘shti — 350 g;
• o‘simlik yog‘i — 1-2 osh qoshiq;
• tuz, murch;
• baqlajon — 1 dona;
• pomidor — 2 dona;
• bulg‘ori qalampiri — 2 dona;
• sarimsoq piyoz — 2 dona;
• ziravorlar;
• suv — 200 ml;
• tomat pastasi — 1 osh qoshiq.

• Piyozning yarmini maydalang, go‘shtni uncha katta bo‘lmagan bo‘laklarga bo‘ling. O‘simlik yog‘i solingan tovada piyozni keyin go‘shtni solib 40 daqiqa qovurib oling.
• Tayyor bo‘lishiga 5 daqiqa qolganda tuz seping.
• Uncha katta bo‘lmagan bo‘laklarga bo‘lingan baqlajonni 20 daqiqa tuz solingan suvga solib qo‘ying, qog‘oz sochiqqa solib quriting.
• Pomidor, sarimsoq piyoz va piyozning qolganini to‘g‘rab oling.
• Sabzavotlarga tuz, murch, quritilgan rayhon va ziravorlar seping.
• Pechda pishirishga mo‘ljallangan maxsus idishga go‘sht va sabzavotlarni soling.
• Tomat pastasi aralashtirilgan suv qo‘shing.
• Idish ustini folga qog‘ozi yoki qopqoq bilan yoping.
• 250 daraja qizigan pechda 40-45 daqiqa davomida pishirib oling.
• Issiq yoki sovuq holda iste’mol qilishingiz mumkin.