Бақлажон ва помидор қўшиб печда пишириладиган гўшт рецепти

Томат пастаси ва саримсоқ қўшилган гўшт жуда ҳам юмшоқ ҳамда мазали бўлиб пишади.

Керакли маҳсулотлар:

• пиёз — 1 дона;
• мол гўшти — 350 г;
• ўсимлик ёғи — 1-2 ош қошиқ;
• туз, мурч;
• бақлажон — 1 дона;
• помидор — 2 дона;
• булғори қалампири — 2 дона;
• саримсоқ пиёз — 2 дона;
• зираворлар;
• сув — 200 мл;
• томат пастаси — 1 ош қошиқ.

• Пиёзнинг ярмини майдаланг, гўштни унча катта бўлмаган бўлакларга бўлинг. Ўсимлик ёғи солинган товада пиёзни кейин гўштни солиб 40 дақиқа қовуриб олинг.
• Тайёр бўлишига 5 дақиқа қолганда туз сепинг.
• Унча катта бўлмаган бўлакларга бўлинган бақлажонни 20 дақиқа туз солинган сувга солиб қўйинг, қоғоз сочиққа солиб қуритинг.
• Помидор, саримсоқ пиёз ва пиёзнинг қолганини тўғраб олинг.
• Сабзавотларга туз, мурч, қуритилган райҳон ва зираворлар сепинг.
• Печда пиширишга мўлжалланган махсус идишга гўшт ва сабзавотларни солинг.
• Томат пастаси аралаштирилган сув қўшинг.
• Идиш устини фольга қоғози ёки қопқоқ билан ёпинг.
• 250 даража қизиган печда 40-45 дақиқа давомида пишириб олинг.
• Иссиқ ёки совуқ ҳолда истеъмол қилишингиз мумкин.