“Daryo”ni Telegram’da o‘qing! Join!
13:45, 18.06.2021 12950

Uyda tayyorlash mumkin bo‘lgan 3 xil muzqaymoq retsepti

Issiq kunda muzqaymoqqa bo‘lgan talab har qachongidan ham yuqori bo‘ladi. Uyda tayyorlangani esa sifatli va yanada mazali bo‘ladi.

Banan va qulupnay qo‘shib tayyorlanadigan vegancha muzqaymoq

Foto: Elle

Kerakli mahsulotlar:

  • muzlatilgan banan bo‘laklari — 4 dona;
  • qulupnay — 500 g;
  • vanilin;
  • mayiz;
  • bezak uchun oq shokolad.

Tayyorlanish jarayoni:

  • Mevalarga vanilin, mayiz qo‘shib, blenderda aralashtiring.
  • Muzlatkichda muzlatib olgandan keyin qandolat qopchalari orqali stakanlarga solib chiqing.
  • Meva va oq shokolad bilan bezang.

Asal qo‘shib tayyorlanadigan muzqaymoq

Foto: Elle

Kerakli mahsulotlar:

  • tvorog yoki yogurt — 250 g;
  • asal — 4 osh qoshiq;
  • qaymoq — 400 g;
  • quritilgan laym po‘sti — 400 g.

Tayyorlanish jarayoni:

  • Tvorog yoki yogurtga asal va laymning qirg‘ichdan chiqarilgan po‘stini qo‘shing.
  • Qaymoq qo‘shib aralashtiring.
  • Muzlatkichga qo‘ying.
  • Ustini meva va yong‘oqlar bilan bezang.

Qahvali muzqaymoq

Foto: Elle

Kerakli mahsulotlar:

  • muzlatilgan banan bo‘laklari — 4 dona;
  • damlab, sovitilgan qahva;
  • kakao — 2 osh qoshiq;
  • sharbat — 4 osh qoshiq;
  • qaymoq;
  • shokolad.

Tayyorlanish jarayoni:

  • Barcha mahsulotlarni qo‘shib, blenderda aralashtiring.
  • Aralashmani qahva finjonlariga solib, muzlatkichga qo‘ying.
  • Ustini qirg‘ichdan chiqarilgan shokolad bilan bezang.

Yoqimli ishtaha!