Samarqand viloyati Oqdaryo tumanida Lada Largus va yuk mashinasi ishtirokida yo‘l-transport hodisasi sodir bo‘ldi. Bu haqda YHXBB matbuot xizmati xabar qildi.
Ma’lum qilinishicha, xorazmlik haydovchi boshqaruvida bo‘lgan Lada Largus 2021-yil 6-iyul kuni soat 05:00 larda Oqdaryo tumanidan o‘tuvchi M-37 avtomobil yo‘lining 27-kilometrida haydovchisi buxorolik bo‘lgan Mercedes rusumli yuk mashinasining orqa qismiga urilib, to‘qnashuv sodir qilgan.
Oqibatda Lada Largus avtomobilining ikki yo‘lovchisi — 52 va 25 yoshli fuqaro voqea joyida halok bo‘lgan.
Avtomashinada bo‘lgan ikki kishi tan jarohati olib, shifoxonaga yotqizilgan.
Bundan avval Toshkentda sobiq “TAPOiCh” yonidagi uch qavatli ko‘prikdan Matiz tushib ketgani, Bo‘stonliqda Lacetti daraxtga borib urilishi oqibatida bir kishi vafot etgani hamda Surxondaryoda qarama-qarshi yo‘nalishdagi “KamAZ” bilan to‘qnashgan Nexia haydovchisi vafot etgani haqida xabar berilgandi.
Izoh (0)