Toshkent viloyatining Bo‘stonliq tumanida Lacetti daraxtga borib urilishi oqibatida yo‘lovchi vafot etdi. Bu haqda YHXBB matbuot xizmati xabar berdi.
Voqea 28-iyun kuni tuman hududidan o‘tgan 4R-12 avtomobil yo‘lining 47-kilometrida yuz bergan. Haydovchi Lacetti’ni boshqarib borayotganida rul boshqaruvini yo‘qotib, yo‘lning o‘ng tomonidagi daraxtga borib urilgan.
Oqibatda yo‘lovchi, 1991-yilda tug‘ilgan J.M. tuman tibbiyot birlashmasi jonlantirish bo‘limida vafot etgan hamda ikki nafar yo‘lovchisi shifoxonaga yotqizilgan.
Qayd etilishicha, mazkur YTH yuzasidan Bo‘stonliq tuman IIB huzuridagi TB tomonidan tergov harakatlari olib borilmoqda.
Avvalroq Toshkentda katta tezlikda harakatlangan Lacetti beton simyog‘ochga urilgani, Samarqandda Damas va avtobus to‘qnashuvi oqibatida ikki yo‘lovchi halok bo‘lgani haqida xabar berilgan edi.Mavzuga doir: O‘zbekistonda besh oy ichida sodir bo‘lgan YTHlar oqibatida 770 kishi halok bo‘ldi
