Hindistonning Air India aviakompaniyasi O‘zbekistonga muntazam qatnovlar uchun ruxsat oldi, deb xabar bermoqda Transport vazirligi matbuot xizmati.
Qayd etilishicha, har ikki mamlakat hukumatlari o‘rtasidagi havo qatnovi to‘g‘risidagi bitim asosida “O‘zaviatsiya” agentligi tomonidan Air India aviakompaniyasiga 25-iyunda ruxsatnoma berilgan.
Ruxsatnomaga muvofiq ushbu aviakompaniya O‘zbekistonga Dehli—Toshkent—Dehli yo‘nalishida muntazam parvozlarni yo‘lga qo‘yadi.
Aviakompaniya parvozlarni Airbus 320-214 va Airbus 320-251N samolyotlarida amalga oshiradi.
Eslatib o‘tamiz, Uzbekistan Airways Hindistonda yuzaga kelgan epidemiologik vaziyat munosabati bilan O‘zbekistonga koronavirusning kirib kelishi va tarqalishining oldini olish bo‘yicha chora-tadbirlar dasturini tayyorlash bo‘yicha Respublika maxsus komissiyasining qaroriga muvofiq 18-iyundan boshlab Toshkent—Dehli—Toshkent yo‘nalishi bo‘yicha aviaqatnovlarni bekor qilgandi.
Izoh (0)