O‘zbekistonga xorijdan 143,8 million dollarlik o‘simlik moyi va yog‘ mahsulotlari olib kelingan. Bu 2020-yilning mos davriga nisbatan 60,4 foizga ko‘p. Bu haqda Davlat statistika qo‘mitasiga tayanib Spot xabar bermoqda.
Shuningdek, 2021-yilning dastlabki 5 oyi davomida O‘zbekiston 155,4 million dollarlik avtomobillar eksport qildi. Bu 2020-yilning mos davriga nisbatan 2,3 barobarga ko‘p.
Yanvar—may oylari davomida 55,9 million dollarlik (2020-yilga nisbatan 3 foizga oshgan) elektr toki, 27,3 million dollarlik (34 foizga ko‘paygan) neft va neft mahsulotlari, 294,1 million dollarlik meva va sabzavotlar eksport qilingan.
Bundan tashqari, 2021-yilda 1,1 milliard dollarlik to‘qimachilik mahsulotlari eksporti amalga oshirilib, umumiy eksportning 19,2 foizini tashkil etgan va 2021-yilga nisbatan 68 foizga o‘sgan.
O‘tgan 5 oy davomida 2,9 milliard dollarlik mashinalar va transport asbob-uskunalari import qilingan. Bu umumiy import tarkibida 32,6 foizni egallagan.
Bundan avval O‘zbekiston yanvar—aprel oylarida xorijdan qancha mobil telefon import qilgani, O‘zbekiston 2021-yilning to‘rt oyida xorijga qancha miqdorda mebel sotgani hamda O‘zbekiston yana oltin eksport qilishni boshlagani haqida xabar berilgandi.
Izoh (0)