Samarqand xalqaro aeroporti yo‘lovchilar tomonidan unutib qoldirilgan va qayta so‘rab kelinmagan yuklarni utilizatsiya qiladi, deb xabar bermoqda “Samarkandskiy vestnik”.
Ma’lumotlarga ko‘ra, 2021-yilning 15-iyul kuni xalqaro aeroport “Aeroflot”, Turkish Airlines, Uzbekistan Airways, S7, Nord Star, Utair, Azur Air, Ural Airlines, Red Wings, Royal Flight, Nord Avia aviakompaniyalari orqali kelgan yo‘lovchilarning unutilgan va qayta so‘rab kelinmagan yuklarini utilizatsiya qilishni rejalashtirmoqda.
“Samarqand aeroportiga yuqoridagi reyslar bilan kelgan yo‘lovchilar aeroport ma’muriyatiga 10-iyulgacha murojaat qilishlari kerak”, — deyiladi xabarda.
Bundan avval Uzbekistan Airways Domodedovo aeroportiga 2021-yildagi ilk parvozini amalga oshirgani, Surxondaryoda qimmat narxlarda Moskvaga olingan chiptalar soxtaligi, 100 dan oshiq yo‘lovchi aeroportda sarson bo‘layotgani rad etilgani hamda Uzbekistan Airports O‘zbekistondagi barcha aeroportlar boshqaruvchisi bo‘lgani haqida xabar berilgandi.
Izoh (0)