Ookla kompaniyasi “Speedtest.net” servisi 2021-yil may oyi natijalariga oid yangi ma’lumotlarni e’lon qildi.
Reytingda O‘zbekiston mobil internet tezligi bo‘yicha o‘z o‘rnini 4 pog‘onaga yaxshilab, 120-o‘rinni egallagan. Aniqlangan internet tezligi (Fixed Broadband) bo‘yicha esa O‘zbekiston umumiy reytingda uchta pozitsiyaga ko‘tarilib, 180-mamlakat ichida 91-pog‘onani egalladi.
Axborot texnologiyalari va kommunikatsiyalarini rivojlantirish vazirligi bir yil ichida O‘zbekiston simli internet tezligi bo‘yicha 1,5 barobarga (53,2 foizga), ya’ni 26,45 megabit/sekunddan (2020-yil may) 40,54 megabit/sekundgacha (2021-yil may) o‘sganligini ma’lum qildi.
Bundan avval O‘zbekistonda operatorlarga internet tarif rejalari tezligini ko‘rsatishda “-gacha” qo‘shimchasidan foydalanish rasman taqiqlangani hamda O‘zbekiston tashqi internet kanalining tezligi soniyasiga 1800 gbitga yetkazilishi haqida xabar berilgandi.
Izoh (0)