Sirdaryo viloyati Guliston shahrida jamoat joyida fuqarolarning tinchligini buzgan shaxsga nisbatan chora ko‘rildi, deya xabar qilmoqda viloyat IIB matbuot xizmati.
Qayd etilishicha, 2021-yilning 17-iyun kuni soat 23:00 larda D. ismli shaxs spirtli ichimlikni iste’mol qilib, jamoat joyida turli uyatli so‘zlar bilan so‘kinib, atrofda yashovchi fuqarolarning tinchligini buzib yurgan.
Shu vaqtda hududda tungi xizmat olib borayotgan Guliston shahar IIO FMB 1-son mahalla IIB xodimlari ushbu shaxsni tinchlantirish, huquqbuzarligiga chek qo‘yish, shaxsiga aniqlik kiritish hamda tegishli hujjatlarni rasmiylashtirish maqsadida huquq-tartibot maskaniga borishlari to‘g‘risida taklif qilgan.
Ammo D. mast holatda xodimlarning qonuniy talablariga bo‘ysunmay, faol qarshilik ko‘rsatgan.
Ushbu holat Sirdaryo viloyati IIB mas’ul xodimlari tomonidan nazoratga olinib, D. ismli shaxsning nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) va 194-moddasi 1-qismiga (ichki ishlar organlari xodimining qonuniy talablarini bajarmaslik) asosan hujjatlar rasmiylashtirilib, to‘plangan hujjatlarni ko‘rib chiqish uchun Jinoyat ishlari bo‘yicha Guliston shahar sudiga yuborilgan.
JIB Guliston shahar sudi tomonidan 2021-yil 18-iyun kungi onlayn tarzda o‘tkazilgan sud qaroriga ko‘ra, huquqbuzar D. Ma’muriy javobgarlik to‘g‘risidagi kodeksning 183-moddasi va 194-moddasi 1-qismi bilan aybdor deb topilib, unga nisbatan 5 (besh) sutka ma’muriy qamoq jazosi tayinlandi.
Bundan avval Toshkentda taekvondo bo‘yicha O‘zbekiston termasi murabbiyi Janubiy Koreya fuqarosi tomonidan pichoqlab o‘ldirilgani, Namanganda hokimlik binosi oldiga qo‘ylarni boshlab borgan shaxs 10 sutkaga qamalgani hamda Farg‘onada YPX xodimiga bo‘ysunmagan haydovchi 10 sutkaga qamalgani haqida xabar berilgandi.
Izoh (0)