Yangi Porsche Cayenne Coupe krossoveri “SUV, off-road, vehicle, van, pock-up” yo‘nalishlari bo‘yicha Nyurburgring rekordini o‘rnatdi. “Shimoliy sirtmoq”ni u 7 daqiqa 38,925 soniyada bosib o‘tib, Audi RS Q8 rekordini (7 daqiqa 42,253 soniya) yangiladi, deb xabar beradi Motor. Vaqt, shuningdek, seriyalik ishlab chiqarish maqomi notarial tasdiqlangan. Yo‘ltanlamasning Turbo S modifikatsiyasi yaqin vaqtlar ichida taqdim etilishi kutilmoqda.
Rekord o‘rnatgan Cayanne Coupe’ni Porsche’ning test-haydovchisi Lars Kern boshqargan. Mashinaga poyga uchun mo‘ljallangan o‘rindiq va karkaslar, shuningdek, yangi model uchun maxsus yaratilgan 22 dyuymli Pirelli P Zero Corsa shinalari o‘rnatilgan. Ixtirochilarning so‘zlariga ko‘ra, krossover bo‘ylama va ko‘ndalang maksimal yuklanishga bardosh bera olishi uchun optimallashtirilgan.
“Avtomobil Hohe Acht va Eiskurve o‘rtasidagi tezkor burilishlarda hech qanday kamchiliksiz boshqaruvni tez o‘zgartirdi. Hatto ushbu texnik uchastkada ham Cayenne oson boshqarish mumkin bo‘lgan haqiqiy driver’s car’ligini ko‘rsatdi”, — deydi haydovchi Kern.
Cayenne mahsulotlar lineykasining vitse-prezidenti Shtefan Vekbaxning qo‘shimcha qilishicha, Nyurburgring rekordi yangi krossoverning dinamik imkoniyatlarini tasdiqlaydi.
O‘rnatilgan 7:38.925 vaqti Audi RS Q8 (7:42.253) va Mercedes AMG GLC 63 S 4Matic+ (7:54.40) natijalaridan yaxshiroq bo‘lib chiqqan. 2015-yilda oldingi avlod Porsche Cayenne Turbo S modeli “Shimoliy sitrmoq”ni 7 daqiqa 59,74 soniyada bosib o‘tgandi. Unga 570 ot kuchi va 800 Nm aylanuvchi momentni taqdim etuvchi 4,8 litrli “biturbosakkizlik” o‘rnatilgan edi.
Eslatib o‘tamiz, 2021-yilning fevralida Porsche Taycan elektrokarlari 13 ta rekord o‘rnatgan edi.
Izoh (0)