Bugun,

  • USD 11095.31
  • RUB 173.84
  • EUR 10772.44

Porsche kompaniyasi Britaniyaning Brands Hatch Circuit trassasida Taycan 4S va Turbo S seriyali modellarini bardoshlilik sinovidan o‘tkazdi. Bir necha soat davom etgan ming kilometrli harakatlanish davomida elektromobillar Buyuk Britaniyada 13 ta rekordni o‘rnatgan, deb xabar beradi Motor.

Foto: Porsche

Foto: Porsche

Porsche vakillari sinovda 570 ot kuchiga ega Taycan 4S hamda 760 ot kuchiga ega Turbo S superkarlaridan foydalangan. Ikkala elektrokar ham sig‘imi 93 kilovatt-soatga teng akkumulyator batareyalari bilan jihozlangan. Sinov davomida elektromobillar 1000 kilometr yo‘lni bosib o‘tishi va pit-stop vaqtida akkumulyatorlarini quvvatlantirishi kerak bo‘lgan.

Taycan’larni boshqargan haydovchilar orasida bir-birini almashtirib turgan mashhur poygachilar bor. Elektrokarlarni “Formula-1” sobiq poygachisi Jonatan Palmer, “24 soatli Le-Man” afsonasi Richard Ettvud, shuningdek, bir nechta Porsche g‘oliblari boshqargan. Harakat tonggi soat 07:00 da boshlangan bo‘lib, soat 20:00 da tugagan. Sinovlar vaqtida haydovchilar turli ob-havo sharoitiga duch kelgan.

Trassada harakatlanish davomida Porsche superkarlari Buyuk Britaniyadagi 1000 kilogrammdan og‘irroq bo‘lgan elektromobillar orasida 13 ta rekordni o‘rnatgan. Masalan, Porsche Taycan 4S ming kilometr masofani 13 soat 25 soniyada, 500 kilometrli yo‘lni 6 soat 31 daqiqa-yu 56 soniyada, 100 kilometrni 1 soat 1 daqiqa-yu 5 soniyada bosib o‘tgan. Taycan Turbo S esa 200 kilometrli yo‘lni 2 soat 28 daqiqa-yu 49 soniyada bosib o‘tishga muvaffaq bo‘lgan.

Avvalroq Porsche Taycan AQShni 44 soatda bosib o‘tib, Tesla rekordini yangilagani to‘g‘risida xabar berilgandi.

Izoh
Asosiy yangiliklar
Dunyo
Rossiyada “Saroy to‘ntarishlari”ning boshlanishi, parvoz vaqtida portlab ketgan “Chellenjer” va general Vlasovning xoinligi. Kun xronologiyasida 28-yanvar
Mahalliy
O‘zbekistonda Italiyaning agrar sohaga oid universitetlari filiallari ochiladi
Mahalliy
O‘zbekiston va Qirg‘iziston fuqarolari ikki davlatga ID karta orqali o‘tishi mumkin bo‘ladi