Moskva Transport departamenti yo‘llarda tezlik rejimini tartibga solishga qaratilgan yangi “aqlli” boshqaruv tizimini e’lon qildi. Departament o‘zining Telegram’dagi kanali orqali tizim svetoforlardagi qizil chiroqni majburiy yonishini ta’minlaydigan tizim hozircha tajriba tariqasida ishga tushirilgan va Zelenogradning faqat bitta ko‘chasida ishlamoqda, deb xabar beradi Motor.
Tizimning ishlash prinsipi quyidagicha: yo‘ldagi asfalt ostiga maxsus detektorlar o‘rnatilgan bo‘lib, ular o‘tayotgan avtomobil tezligini o‘lchaydi. Agarda avtomobil hududda tezlikni oshirsa, eng yaqin svetoforda qoidabuzar haydovchini svetoforning qizil chirog‘i “kutib turadi”. Shu bilan birga, e’lon qilingan videoga ko‘rsatilishicha, qarama-qarshi va yondosh polosadagilarga harakatlanishga ruxsat beriladi, ammo ulardan keyingi avtomobil qoidabuzar haydovchi bilan yashil chiroqni kutishga majbur bo‘ladi.
Hozirda ushbu tizim General Alekseyev va Konstruktor Guskov ko‘chalari kesishmasida ishlayapti, biroq tajriba muvaffaqiyatli yakunlansa, “aqlli” svetoforlar boshqa chorrahalarda ham paydo bo‘lishni boshlaydi.
Eslatib o‘tamiz, 2020-yilning dekabrida Moskva Transport departamenti Rossiya poytaxti ko‘chalariga kvadrat shaklidagi beshta yangi svetoforlarni o‘rnatgandi.
Izoh (0)