Янги Porsche Cayenne Coupe кроссовери «SUV, off-road, vehicle, van, pock-up» йўналишлари бўйича Нюрбургринг рекордини ўрнатди. «Шимолий сиртмоқ»ни у 7 дақиқа 38,925 сонияда босиб ўтиб, Audi RS Q8 рекордини (7 дақиқа 42,253 сония) янгилади, деб хабар беради Motor. Вақт, шунингдек, сериялик ишлаб чиқариш мақоми нотариал тасдиқланган. Йўлтанламаснинг Turbo S модификацияси яқин вақтлар ичида тақдим этилиши кутилмоқда.
Рекорд ўрнатган Cayanne Coupe’ни Porsche’нинг тест-ҳайдовчиси Ларс Керн бошқарган. Машинага пойга учун мўлжалланган ўриндиқ ва каркаслар, шунингдек, янги модель учун махсус яратилган 22 дюймли Pirelli P Zero Corsa шиналари ўрнатилган. Ихтирочиларнинг сўзларига кўра, кроссовер бўйлама ва кўндаланг максимал юкланишга бардош бера олиши учун оптималлаштирилган.
«Автомобиль Hohe Acht ва Eiskurve ўртасидаги тезкор бурилишларда ҳеч қандай камчиликсиз бошқарувни тез ўзгартирди. Ҳатто ушбу техник участкада ҳам Cayenne осон бошқариш мумкин бўлган ҳақиқий driver’s car’лигини кўрсатди», — дейди ҳайдовчи Керн.
Cayenne маҳсулотлар линейкасининг вице-президенти Штефан Векбахнинг қўшимча қилишича, Нюрбургринг рекорди янги кроссовернинг динамик имкониятларини тасдиқлайди.
Ўрнатилган 7:38.925 вақти Audi RS Q8 (7:42.253) ва Mercedes AMG GLC 63 S 4Matic+ (7:54.40) натижаларидан яхшироқ бўлиб чиққан. 2015 йилда олдинги авлод Porsche Cayenne Turbo S модели «Шимолий ситрмоқ»ни 7 дақиқа 59,74 сонияда босиб ўтганди. Унга 570 от кучи ва 800 Нм айланувчи моментни тақдим этувчи 4,8 литрли «битурбосаккизлик» ўрнатилган эди.
Эслатиб ўтамиз, 2021 йилнинг февралида Porsche Taycan электрокарлари 13 та рекорд ўрнатган эди.
Изоҳ (0)