Мазаси ажойиб товуқли ҳалқачалар тайёрлаймиз

Ушбу ноодатий таом кўринишидан ширинликка ўхшайди, аммо у бугунги кунда барчанинг севимли егулигидир.

Керакли маҳсулотлар:

• картошка – 1 дона;
• пиёз – 1/2 дона;
• кўк пиёз – 2-3 дона;
• саримсоқ – 3-4 бўлак;
• товуқ филеси – 250 грамм;
• қуритилган нон – 100 грамм, 4 ош қошиқ;
• ўсимлик ёғи – 700 мл;
• тухум – 2 та;
• ун – 100 грамм;
• туз ва зираворлар.

1. Картошка қайнатиб олинади ва катта-катта тўғралади.
2. Пиёз ва кўк пиёз майда тўғралади.
3. Саримсоқ майдаланади, товуқ филеси тўртбурчак шаклда бўлакларга бўлинади.
4. Барча маҳсулотлар ва 4 ош қошиқ қуритилган нон блендерга солиниб, бир хил масса ҳолига келтирилади.
5. Таъбга кўра туз ва зираворлар қўшилади.
6. Масса қандолат қопига солиниб, ҳалқа шакли берилади. 1 соатга музлаткичга қўйилади.
7. Ўсимлик мойи товада қиздирилади. Тухумни алоҳида идишга чақиб, санчқи билан аралаштирилади.
8. Товуқли ҳалқачалар унга, тухумга ва қуритилган нонга ботирилади.
9. Сўнгра қиздирилган ёғда икки томони қизаргунча пишириб олинади.