Toshkentdagi jaz musiqiy kechasi, “Koinot go‘zali” bo‘lgan dasturchi qiz, asalari uchun ajratilgan 11 milliard dollar. 17-may suratlari
Dunyo va O‘zbekiston bo‘ylab 17-may kuni olingan suratlarni namoyish etamiz.
Isroilning Gerziliya shahri qirg‘oqlaridagi daraxt shoxida o‘tirgan, juftiga baliq ovlab kelgan ko‘ktarg‘oq. Aprel—may oylari ushbu qushlarning juftlashish mavsumi hisoblanadi.Foto: Legion Media
O‘zbekiston davlat amaliy san’at muzeyida tashkil etilgan Open Air shaklidagi jaz musiqasi kechasida saksofon chalayotgan sozanda.Foto: “Daryo” / Madina Nurman
Isroilning “Temir gumbaz” raketaga qarshi tizimi G‘azo sektoridan uchirilgan raketalarni ushlab qolmoqda.Foto: AFP
Rassom Kaws’ning navbatdagi ishi, balandligi 42 metr bo‘lgan “Kaws: Holiday” deb nomlangan havo shari Angliyaning Bristol shahri yaqinida parvoz qilmoqda.Foto: Getty Images
Termiz shahrida joylashgan 6-umumta’lim maktabida yong‘in sodir bo‘ldi. Suratdagi yonayotgan maktab ro‘parasida pista chaqib o‘tirgan erkak ijtimoiy tarmoq foydalanuvchilarining e’tiborini tortib, ko‘plab memlarga sababchi bo‘ldi.Kadr: Telegram
Bangkokdagi restoranda alohida tushlik qilayotgan odamlar. Shaharda COVID-19 sabab joriy qilingan cheklovlar yumshatiladi.Foto: EPA
Angliyaning Redrut shahridagi Jenn’s Diner kafesida stolni to‘ldirib o‘tirgan mijozlar inglizcha nonushta qilmoqda. 17-maydan boshlab Angliya koronavirus tufayli joriy qilingan cheklovlarni yumshatishning uchinchi bosqichini amalga oshirdi. Unga ko‘ra, xizmat ko‘rsatish sohasi mijozlarni bino ichkarisida ovqatlanish uchun kutib olishi mumkin.Foto: Getty Images
Falastinlik o‘t o‘chiruvchi Isroil artilleriya o‘qlari zarbasidan so‘ng shimgich (gubka) ishlab chiqaradigan zavodda chiqqan yong‘inni o‘chirmoqchi.Foto: Reuters
Ispaniyadagi “Estadio de la Keramika” stadionida “Vilyarreal” va “Sevilya” jamoalari o‘rtasidagi o‘yin boshlanishidan oldin mezbon jamoa muxlislari koronavirus cheklovlariga amal qilgan holda tribunada o‘tiribdi.Foto: Shutterstock
Gulni changlatayotgan asalari. Kaliforniya shtati gubernatori Gevin Nyusom ekologik maqsadlar bo‘yicha rekord darajada — 11 milliard dollarlik budjet loyihasini e’lon qildi. Unga ko‘ra, ekinlarni changlatishda muhim rol o‘ynaydigan, yo‘qolib ketish xavfi ostida bo‘lgan asalarilar uchun maxsus yashash joylarini yaratish ko‘zda tutilgan.Foto: Getty Images
O‘zbekiston davlat amaliy san’at muzeyida tashkil etilgan Open Air shaklidagi jaz musiqasi kechasi.Foto: “Daryo” / Madina Nurman
Xitoyning Sutsyan shahrida o‘tkazilayotgan baliq ovi bo‘yicha xalqaro turnir.Foto: Getty Images
Florida shtatida xalqaro go‘zallik tanlovining final bosqichi bo‘lib o‘tdi. “Koinot go‘zali—2021” unvonini asl sohasi injener-dasturchi bo‘lgan Meksikaning 26 yoshli vakili Andrea Mesa qo‘lga kiritdi.Foto: Getty Images
G‘azoga Isroil tomonidan havo hujumi qilinmoqda.Foto: EPA
O‘zbekiston davlat amaliy san’at muzeyida tashkil etilgan Open Air shaklidagi jaz musiqasi kechasiga tashrif buyurgan jonli musiqa shinavandalari.Foto: “Daryo” / Madina Nurman
Xitoyning Nannin shahrida yog‘gan kuchli yomg‘irdan keyin Ason ishbilarmonlik hududi ustida ko‘ringan kamalak.Foto: Shutterstock
Sigirlar va qushlar Indoneziyadagi Aluye Liyem poligonida Ramazon hayiti bayramidan keyin yig‘ilgan chiqindilar bilan oziqlanmoqda.Foto: AFP
Amerikaliklar Vashingtongdagi Kapitoliy tepaligiga yig‘ilib, falastinliklarni qo‘llab-quvvatlashlarini namoyish etdi. Suratda namoyishda qatnashayotgan ayolning ko‘zoynagida Isroil bayrog‘i markaziga natsistlarning belgisi tushirilgan plakat aks etmoqda.Foto: Shutterstock
Suv bosgan ko‘chada yurgan hindistonlik ayol. Kuchli shamol va yomg‘irlar Hindistonning g‘arbiy qirg‘og‘iga yaqinlashmoqda.Foto: AP Photo
Tayvanda koronavirusga chalinish holatlari ko‘paymoqda, supermarketda esa mahsulotlar juda tez sotilib ketyapti.Foto: EPA
Fransiyaning Sen-Marten-la-Plen yovvoyi tabiat bog‘ining egasi Per Tivillon hayvonot bog‘i ochilishidan ikki kun avval shimpanze bilan birga kulib turibdi.Foto: AFP
Kashmirlik erkak Srinagar chekkasida hukumat kuchlari va isyonchi deya gumon qilinganlar o‘rtasida bo‘lib o‘tgan qurolli to‘qnashuvdan so‘ng buzilgan uy ichidan qarab turibdi.Foto: AP Photo
Blekpuldagi plyajda qumga chizilgan katta surat paydo bo‘ldi.Foto: Reuters
Natasha Hibbert ismli ayol Londondagi The Mall savdo markazida Elephant Family Trust tomonidan uyushtirilgan real o‘lchamdagi yog‘och fil haykallari ko‘rgazmasi bilan birga suratga tushmoqda.Foto: Reuters
Tokio Olimpiadasida velosport bo‘yicha erkin uslubdagi BMX musobaqasining sinov jarayoni.Foto: AP Photo
Yapon rassomi Yayoi Kusamaning Endless Mirror Rooms ko‘rgazmasi 18-may kuni Londondagi Teyt galereyasida ochilishiga tayyorgarlik ko‘rilmoqda.Foto: EPA
Izoh (0)