Bir haftadan beri Falastin—Isroil mojarosi 2014-yildan buyon keng ko‘lamda avj olmoqda. 15—16-may kunlari HAMAS Isroilni raketa bilan o‘qqa tutishni davom ettirdi, o‘z navbatida Isroil harbiy samolyotlari G‘azo sektoriga yangi havo hujumlarini boshladi. Isroil harbiylarining xabarlariga ko‘ra, zarbalar HAMAS rahbarlarining uylariga berilgan. Shuningdek, Isroil G‘azoda Associated Press va Al-Jazeera byurolari joylashgan ko‘p qavatli binoni vayron qildi va buni binoning ayrim qismlari HAMAS tomonidan foydalanilgani bilan izohladi. Binoning o‘qqa tutilishi natijasida hech kim jabrlanmadi: raketa tashlashdan taxminan bir soat oldin Isroil harbiylari bino egasini hujum haqida ogohlantirgan.
Falastin Sog‘liqni saqlash vazirligi xabariga ko‘ra, 16-may kuni G‘azoda kamida 42 kishi, jumladan, 10 nafar bola o‘ldirilgan. Mojaro boshlanganidan beri esa 188 kishi halok bo‘lgan, ularning 55 nafari bolalar. Isroilda bir hafta ichida 10 kishi halok bo‘lgan. Ulardan ikkitasi yosh bolalar.
Mavzuga doir: Foto: G‘azoda Isroil aviazarbalari oqibatida halok bo‘lganlar soni 180 dan oshdi, ularning 55 nafari bolalar
Mavzuga doir:
- Isroil va G‘azo sektoridagi raketa hujumlarining oqibatlari — suratlarda
- Isroil G‘azoga nizo boshidan buyon eng yirik hujumni amalga oshirdi. 40 daqiqa ichida samolyotlar 150 ta nishonni o‘qqa tutdi (video)
- Isroil shaharlarida yahudiylar va arablar o‘rtasida to‘qnashuvlar boshlandi (video)
- Quddusda politsiya bilan to‘qnashuvlarda 280 ga yaqin falastinlik jarohat oldi (foto)
Izoh (0)