Dunyoning turli burchaklarida 14-may kuni olingan suratlarni taqdim etamiz.
Nepal poytaxti Katmandu shahrida Ramazon hayiti munosabati bilan oila a‘zolariga pul berayotgan ayol.
Foto: AFP
Respublika ixtisoslashtirilgan onkologiya va radiologiya ilmiy-amaliy tibbiyot markaziga tashrif buyurgan Shavkat Mirziyoyev u yerda davolanayotgan bola bilan suratga tushdi.
Foto: Prezident matbuot xizmati
Kanadaning Britaniya Kolumbiyasi provinsiyasidagi o‘rmonda ajoyib tarzda niqoblangan boyqush.
Foto: Legion Media
Falastinliklar Isroil havo hujumlari natijasida vayron bo‘lgan hududni ko‘zdan kechirmoqda.
Foto: AFP
Myunxenning Olimpiya bog‘idagi tepaliklarda sayr qilib yurgan juftlik.
Foto: AP Photo
Qora tanlilar huquqini himoya qilish harakati faollari mamlakatda qullik bekor qilinganiga 133 yil to‘lgan kuni Rio-de-Janeyro shahridagi Jakaresinyo tumanida bo‘lib o‘tgan politsiya operatsiyasiga qarshi norozilik bildirmoqda.
Foto: Reuters
Bangladeshdagi “Bayt ul-Mukarram” masjidida namoz o‘qiyotgan musulmonlar.
Foto: AP Photo
Mavzuga doir: Buxoroda aholi tomonidan tovuqxona va qo‘yxonaga aylantirilgan qadimiy masjidda eski maktab borligi ma’lum bo‘ldi
Cho'kayotgan qayiqda muhojirlar Turkiya dengiz kuchlari va Liviya qirg‘oq qo‘riqchilari kemalari tomonidan qutqarilishini kutmoqda.
Foto: Getty Images
G‘azo sektoridan uchirilgan raketaning to‘g‘ridan to‘g‘ri urilishi natijasida zarar ko‘rgan turar joy binosi ostidagi mashinalar.
Foto: Reuters
Karachidagi emlash markazida COVID-19 vaksinasini qabul qilishni kutayotgan erkak.
Foto: AFP
Moskva tashqarisidagi bog‘da o‘sgan o‘simlikda turgan may qo‘ng‘izi.
Foto: AFP
G‘azo bilan chegaradagi dalada artilleriya snaryadini ko‘tarib ketayotgan Isroil askari.
Foto: Reuters
Olimpiya o‘yinlari oldidan Tokioda skeytbord bo‘yicha sinov musobaqalari bo‘lib o‘tdi. XOQ yozgi Olimpiya o‘yinlari dasturiga beshta yangi turni kiritdi. Bular – beysbol, karate, skeytbord, qoyaga ko‘tarilish va syorfing.
Foto: AP Photo
Egey dengizining Naxos orolida joylashgan Plaka plyajida yotgan ayol. Gretsiya o‘z sayyohlik mavsumiga 14-may kuni start berdi.
Foto: AP Photo
Hindistonda yashin urishi oqibatida 18 ta fil halok bo‘ldi.
Foto: Getty Images
Xitoyning Sichuan provinsiyasida favqulodda hodisalar, jumladan, zilzila ro‘y berganda qutqarish ishlari bo‘yicha mashg‘ulotlar o‘tkazildi.
Foto: Getty Images
Nyu-Yorkda quyosh botishi.
Foto: Getty Images
Madridda Avliyo Isidro sharafiga buqalar jangi festivali bo‘lib o‘tmoqda.
Foto: “TASS”
Myunxenda mashina ustiga to‘kilgan gilos gullari.
Foto: Getty Images
Londondagi galereya xodimi Xizer Fillipsonning yangi Rupture No 1 deb ataluvchi ko‘rgazmasini ko‘zdan kechirmoqda.
Foto: PA
Falastin tarafdori bo‘lgan ultra-ortodoks yahudiylar Nyu-York shahridagi Tayms maydonida Isroil tarafdorlarining mitingiga qarshi norozilik bildirmoqda.
Foto: Reuters
Portlendda avtomashina oynasida o‘z aksini ko‘rayotgan chumchuq.
Foto: Getty Images
Isroil havo hujumlari tufayli uylarini tashlab ketayotgan falastinliklar.
Foto: Reuters
Angliyaning Nyumarket shaharchasidagi ippodromda poyga oldidan sayr qilayotgan otlar.
Foto: PA
Avvalgi kunlarning fotogalereyalari:
- Dunyo bo‘ylab o‘qilgan hayit namozi, Falastinni qo‘llayotgan yahudiy, hukumatdan norozi “farishta”. 13-may suratlari
- Koronavirusga qarshi sigir go‘ngi, G‘azoga qilingan raketa hujumi, bir koykada yotgan uch bemor. 12-may suratlari
- Toshkentda tayyorlangan dunyodagi eng katta Qur’on sahifasi, Isroilga “atalgan” raketalar, 3 yoshli so‘fiy. 11-may suratlari
- Al-Aqsodan quvilayotgan falastinliklar, Ka’badagi tungi ibodat, O‘zbekistonda kuzatilgan noyob tabiat hodisasi. 10-may suratlari
- Ramazonning oxirgi jumasi, “uchayotgan” askar, skuterdagi Special One. 7-may suratlari
- Islom institutidagi uyg‘urlar, osilgan namoyishchi, koronavirus qurbonlari xoki solingan xumchalar. 6-may suratlari
- Yakunlangan xatmona, o‘zbek choponidagi Ronaldu, baxshining qo‘shig‘ini tinglayotgan Ramatov. Hafta suratlari
