Toshkentdagi Ahmad Donish ko‘chasining bir qismi 18-maydan bir yarim oyga yopiladi

Toshkent shahri Ahmad Donish ko‘chasining bir qismida avtomobil harakati vaqtincha cheklanadi, deya xabar bermoqda shahar hokimligi.

Qayd etilishicha, yo‘l ta’mirlash ishlari sababli 18-may soat 00:00 dan Yunusobod tumani Ahmad Donish ko‘chasining Nurafshon va Moyqo‘rg‘on ko‘chalari oralig‘idagi qismida yo‘lning bir tomoni bir yarim oy muddatga avtomobillar harakati uchun yopiladi.

Ikki tomonlama harakatlanish yo‘lning bitta qatnov chizig‘i orqali amalga oshiriladi.

Bundan avval Toshkentda Yunusobodga olib boruvchi asosiy yo‘llardan birining faqat bir tomoni ikki oy ta’mirlanishi hamda O‘zbekiston shaharlarida transport tezligini pasaytirish to‘g‘risida petitsiya e’lon qilingani haqida xabar berilgandi.