O‘zbekiston 2021-yilning birinchi choragi davomida qiymati 15,6 million dollarga teng bo‘lgan 20,5 ming tonna pomidor eksport qildi. Bu 2020-yilning mos davriga nisbatan 5,5 ming tonnaga ko‘p.
Davlat statistika qo‘mitasi ma’lumotlariga ko‘ra, pomidor Rossiya (11,7 ming tonna), Qozog‘iston (5,9 ming tonna), Qirg‘iziston ( 2,1 ming tonna), Tojikiston (766,2 tonna), Afg‘oniston (12,0 tonna) va Ukraina (3,4 tonna) davlatlariga eksport qilindi.
Ushbu davlatlarga pomidor eksport qilgan viloyatlarning hududlar kesimida ulushi quyidagicha:
- Toshkent viloyati — 5,2 ming tonna;
- Buxoro viloyati — 3,7 ming tonna;
- Sirdaryo viloyati — 3,1 ming tonna;
- Xorazm viloyati — 2,3 ming tonna;
- Surxondaryo viloyati — 1,6 ming tonna;
- Andijon viloyati — 838,6 tonna;
- Farg‘ona viloyati — 830,1 tonna;
- Qashqadaryo viloyati — 723,4 tonna;
- Navoiy viloyati — 547,3 tonna;
- Namangan viloyati — 523,5 tonna;
- Toshkent shahri — 510,5 tonna;
- Jizzax viloyati — 362,2 tonna;
- Samarqand viloyati — 268,2 tonna;
- Qoraqalpog‘iston — 157,1 tonna.
Izoh (0)