Ўзбекистон 2021 йилнинг биринчи чораги давомида қиймати 15,6 миллион долларга тенг бўлган 20,5 минг тонна помидор экспорт қилди. Бу 2020 йилнинг мос даврига нисбатан 5,5 минг тоннага кўп.
Давлат статистика қўмитаси маълумотларига кўра, помидор Россия (11,7 минг тонна), Қозоғистон (5,9 минг тонна), Қирғизистон ( 2,1 минг тонна), Тожикистон (766,2 тонна), Афғонистон (12,0 тонна) ва Украина (3,4 тонна) давлатларига экспорт қилинди.
Ушбу давлатларга помидор экспорт қилган вилоятларнинг ҳудудлар кесимида улуши қуйидагича:
- Тошкент вилояти — 5,2 минг тонна;
- Бухоро вилояти — 3,7 минг тонна;
- Сирдарё вилояти — 3,1 минг тонна;
- Хоразм вилояти — 2,3 минг тонна;
- Сурхондарё вилояти — 1,6 минг тонна;
- Андижон вилояти — 838,6 тонна;
- Фарғона вилояти — 830,1 тонна;
- Қашқадарё вилояти — 723,4 тонна;
- Навоий вилояти — 547,3 тонна;
- Наманган вилояти — 523,5 тонна;
- Тошкент шаҳри — 510,5 тонна;
- Жиззах вилояти — 362,2 тонна;
- Самарқанд вилояти — 268,2 тонна;
- Қорақалпоғистон — 157,1 тонна.
Изоҳ (0)