Bugun,

  • USD 11095.31
  • RUB 173.84
  • EUR 10772.44

Rossiya veterinariya va fitosanitariya nazorati bo‘yicha federal xizmati (“Rosselxoznadzor”) 14-apreldan boshlab O‘zbekistondagi 17 ta korxonaga Rossiyaga pomidor va qalampir mahsulotlarini olib kirishga ruxsat berdi. Bu haqda idora saytida ma’lum qilindi.

Foto: “Daryo”

Foto: “Daryo”

Unda aytilishicha Vazirlar Mahkamasi huzuridagi O‘simliklar karantini davlat inspeksiyasi “Rosselxoznadzor”ga Farg‘ona, Navoiy va Qashqadaryo viloyatlaridagi pomidor va qalampir yetishtiruvchi 17 ta korxona mahsulotlari urug‘li jigarrang burishgan virusi (ToBRFV Tomato brown rugose fruit virus)dan holi ekanligi haqida ma’lumotlarni taqdim etgan.

Shu sababli “Rosselxoznadzor” O‘zbekistonning vakolatli tashkiloti kafilligi bilan quyidagi korxonalarga Rossiyaga pomidor va qalampirni yetkazib berishga ruxsat berdi:

  • “Avtomobilchi MTP” MChJ (Qashqadaryo viloyati);
  • “Shaxzoda Iroda Nodira” MChJ (Qashqadaryo viloyati);
  • “Fayzullayev Muhriddin” MChJ (Qashqadaryo viloyati);
  •  “Qashqadaryo taraqqiyot parnik servis” MChJ (Qashqadaryo viloyati);
  • “Siyob Baraka” MChJ (Qashqadaryo viloyati);
  • “Navoiy Beton Tayyorlov” MChJ (Navoiy viloyati);
  • “Agro Eksport Saxovati” MChJ (Navoiy viloyati);
  • “Said-Shohsanam” MChJ (Navoiy viloyati);
  • “Barakali hosil gold” MChJ (Navoiy viloyati);
  • “Navoiy Saxovat Gold” MChJ (Navoiy viloyati);
  • “Navoiy Ziroat Bog‘i” MChJ (Navoiy viloyati);
  • “Jahon Biznes Baraka Servis” MChJ (Navoiy viloyati);
  • “Real kabel invest” MChJ (Farg‘ona viloyati);
  • “Zimniy sad” MChJ (Farg‘ona viloyati);
  • “Yorqin Zaxro” MChJ (Farg‘ona viloyati);
  • “Ijodkor Baraka Hosildor” MChJ (Farg‘ona viloyati);
  •  “O Far Yoz Innovatsiya” MChJ (Farg‘ona viloyati).
Eslatib o‘tamiz, Rossiya tomonidan 2020-yil 4 va 11-dekabrda pomidor jigarrang bujmayishi virusi aniqlangani sabab Qashqadaryo va Navoiy viloyatlaridagi korxonalarga pomidor va qalampir olib kirishga taqiq qo‘yilgandi. 2020-yil 18-dekabrdan boshlab “Rosselxoznadzor” Rossiyaga Farg‘onadagi 7 ta korxonadan pomidor va qalampir olib kirishga ruxsat berdi.

2021-yil 1-yanvardan boshlab Rossiyaga Navoiy va Qashqadaryo viloyatlaridagi 34 korxonadan pomidor olib kirilishiga ruxsat berildi, 3-martdan boshlab esa Navoiy va Qashqadaryodagi yana 6 ta korxonadan pomidor olib kirilishga ruxsat berildi.

Avvalroq “Rosselxoznadzor” 2021-yil 7-apreldan boshlab Farg‘ona viloyatidan Rossiya hududiga pomidor va qalampirdan tashqari, barcha o‘simlik mahsulotlarini olib kirishga ruxsat bergani haqida xabar berilgan edi.

Izoh
Asosiy yangiliklar
Mahalliy
Saudiyalik tadbirkor O‘zbekistonda avtomashina ehtiyot qismlari ishlab chiqarishga sarmoya kiritadi 
Mahalliy
1000 dollar oylik olayotgan oʻqituvchilar, 1 mln nafardan oshgan talabalar, yangi qurilgan 27 ta TTJ — oliy taʼlim vaziri oʻrinbosari Komiljon Karimov bilan ekskly...
Mahalliy
Toshkentda 3 ta mashina ishtirokida YTH sodir bo‘ldi