Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva o‘zining ijtimoiy tarmoqlardagi sahifasi orqali yakshanba kunlari butun oila dasturxon atrofida to‘planib, an’anaviy tarzda sevimli taom tayyorlanishi haqida post qoldirdi.
“Yakshanba. An’anaga ko‘ra bu kuni sevimli taomlarimizni tayyorlaymiz. Ulardan biri — kulchatoy. Oyijonim ertalabdan xamir qoradilar. Dadajonim boshchiligida butun oilamiz dasturxon atrofiga to‘planib, oyijonim tayyorlagan xamirni taxtakachda kesamiz. Oyijonim esa endigina pishgan masalliqlar — sabzi, no‘xotni uzatib turadilar.
Tayyorlanish usuliga ko‘ra kulchatoy kesma lag‘monni eslatadi. Kichkintoyim bizning eng katta yordamchimiz, milklari bilan suyak chaynashga urinadi. Taom tezroq pishishini hammadan ko‘proq shu kutsa kerak. Dam olish kuningiz xayrli o‘tsin, aziz do‘stlar!”, — deb yozadi Saida Mirziyoyeva.
Avvalroq Saida Mirziyoyeva yangi kelinlik paytida cho‘zma lag‘mon bilan bog‘liq voqeani esga olib, bu haqda hikoya qilib bergandi.
Mavzuga doir: Kun fotosi: Shavkat Mirziyoyev osh damlamoqda
Izoh (0)