O‘zbekistonda 2020-yilda majburiy mehnat holatlariga barham berish bo‘yicha 2019-yilga nisbatan yaxshi natijalarga erishildi. O‘zAning xabar berishicha, bu haqda Davlat mehnat inspeksiyasi boshlig‘i, bosh davlat mehnat inspektori Qudratilla Odinayev ma’lum qildi.
“2020-yilda Davlat mehnat inspeksiyasi tomonidan jami 26 mingdan ko‘proq fuqaroning murojaati ko‘rib chiqildi. Shundan 18 mingdan ko‘prog‘i qanoatlantirildi. 9 mingga yaqin fuqaroga tushuntirishlar berildi. 2020-yilda 2019-yilga nisbatan majburiy mehnat holatlariga barham berish bo‘yicha yaxshi natijalarga erishdik.
Misol uchun, 2019-yilda davlat mehnat inspektorlari tomonidan olib borilgan tekshirishlar natijasida joylarda jami 259 ta majburiy mehnat holati aniqlangan bo‘lsa, 2020-yilda bu holat 106 tani tashkil qiladi”, — degan u Bandlik va mehnat munosabatlari vazirligi tomonidan 8-may kuni tashkil etilgan “O‘zbekistonda mehnat qonunchiligining bajarilishi to‘g‘risida shaffof hisobot” mavzusidagi xalqaro onlayn tadbirda.
Tadbirda vazirlik rahbarlari mehnat huquqlarining himoya qilinishi, xalqaro mehnat standartlariga muvofiq ishlab chiqilgan choralar, Davlat mehnat inspeksiyasining mehnat sohasidagi huquqbuzarliklarni aniqlashdagi salohiyatini kuchaytirishda erishilgan yutuqlar hamda ayollar va erkaklar uchun munosib mehnat sharoitlarini yaratishda qilinishi lozim bo‘lgan ishlar yuzasidan ham ma’lumotlar berilgan.
Izoh (0)