Olimlar Arktika muzlari erishini kitlar migratsiyasi bilan izohladi

Olimlar Arktika muzlari erishini Grenlandiya kitlarining yillik migratsiyasi bilan izohladi. Bu haqda Tengrinews xabar berdi.

Suvosti magnitafonlari orqali olingan ma’lumotlardan foydalanib, kanadalik tadqiqotchilar kuz faslida muzlagan dengizlardan ko‘chib ketib, yoz faslida qaytadigan Grenlandiya kitlarining 2018—2019-yillarda har yilgi 6000 kilometrlik masofani bosib o‘tmaganini aniqladi.

Kanadaning Yovvoyi tabiatni muhofaza qilish jamiyati a’zosi doktor Stiven Insli ushbu hodisani tushuntirib beruvchi potensial omillar haqida so‘zlab berdi, shuningdek, bu o‘zgarishlar me’yordan og‘ishmi yoki Arktikaning erishi tufayli yangi turmush tarzining boshlanishimi, degan savolga oydinlik kiritdi.

Uning so‘zlariga ko‘ra, qishda suvni qalin muz qoplasa, kitlar ko‘chib ketishga majbur bo‘ladi. Ularning ulkan bosh suyagi qalinligi bir metrgacha bo‘lgan muzni yorib o‘tishga yordam beradi. Ular og‘ir muzni ham sindirib, muzliklarda yoriqlar paydo qilishi va muzlarning tezda erib ketishiga sabab bo‘lishi mumkin.

Grenlandiya kitlari faqat Arktika va Subarktika suvlarida, -0,5 dan 2 darajagacha oraliqdagi past harorat sharoitida yashovchi kamyob turlardan biri hisoblanadi. Ayni paytda Arktikada ushbu kitlarning to‘rt xil turi mavjud — eng yirik to‘dalaridan biri har yili Bering dengizining shimoliy qismidan Chukotka dengizi orqali Bofort dengiziga ko‘chib boradi. Ular qishdan omon qolish uchun yozning ko‘p qismini o‘sha yerda o‘tkazadi va yana qaytib keladi.