Олимлар Арктика музлари эришини Гренландия китларининг йиллик миграцияси билан изоҳлади. Бу ҳақда Tengrinews хабар берди.
Сувости магнитафонлари орқали олинган маълумотлардан фойдаланиб, канадалик тадқиқотчилар куз фаслида музлаган денгизлардан кўчиб кетиб, ёз фаслида қайтадиган Гренландия китларининг 2018—2019 йилларда ҳар йилги 6000 километрлик масофани босиб ўтмаганини аниқлади.
Канаданинг Ёввойи табиатни муҳофаза қилиш жамияти аъзоси доктор Стивен Инсли ушбу ҳодисани тушунтириб берувчи потенциал омиллар ҳақида сўзлаб берди, шунингдек, бу ўзгаришлар меъёрдан оғишми ёки Арктиканинг эриши туфайли янги турмуш тарзининг бошланишими, деган саволга ойдинлик киритди.
Унинг сўзларига кўра, қишда сувни қалин муз қопласа, китлар кўчиб кетишга мажбур бўлади. Уларнинг улкан бош суяги қалинлиги бир метргача бўлган музни ёриб ўтишга ёрдам беради. Улар оғир музни ҳам синдириб, музликларда ёриқлар пайдо қилиши ва музларнинг тезда эриб кетишига сабаб бўлиши мумкин.
Гренландия китлари фақат Арктика ва Субарктика сувларида, -0,5 дан 2 даражагача оралиқдаги паст ҳарорат шароитида яшовчи камёб турлардан бири ҳисобланади. Айни пайтда Арктикада ушбу китларнинг тўрт хил тури мавжуд — энг йирик тўдаларидан бири ҳар йили Беринг денгизининг шимолий қисмидан Чукотка денгизи орқали Бофорт денгизига кўчиб боради. Улар қишдан омон қолиш учун ёзнинг кўп қисмини ўша ерда ўтказади ва яна қайтиб келади.
Изоҳ (0)