Bangladeshning janubidagi Koks-Bazar shahrida joylashgan Baluxali roxinja qochqinlari lagerida katta yong‘in sodir bo‘ldi, bir necha kishi halok bo‘ldi, deb Reuters nashriga tayanib, “Korrespondent.net” xabar berdi.
Ta’kidlanishicha, kelib chiqishi noma’lum bo‘lgan yong‘in minglab uylarni yo‘q qilgan. Qurbonlar soni aniqlanmoqda.
Shahar hokimiyatining xabar berishicha, yong‘inni o‘chirish uchun o‘t o‘chirish xizmati, qutqaruv guruhi, shuningdek, ko‘ngillilar jalb qilingan.
Guvohlarning so‘zlariga ko‘ra, lagerdagi to‘siqlar yong‘in hududidan qochishni juda qiyinlashtirgan.
SBS News ma’lumotlariga ko‘ra, eng kamida besh kishi halok bo‘lgan, yong‘indan 20 ming kishi qutqarilgan, bu so‘nggi yillarda qochqinlar lagerlaridagi eng kuchli yong‘in hisoblanadi.
Bangladesh janubidagi lagerlarda bir milliondan ortiq roxinja musulmonlari yashaydi. Ularning ko‘pchiligi 2017-yilda harbiy repressiyalar oqibatida Myanmadan qochib kelgan. BMT Rakxayndagi roxinjalarga nisbatan repressiyalarni genotsid deb atagan, lekin Myanma buni rad etgan.
https://twitter.com/musneeem/status/1374155288136318982
Several people killed and many others missing after a huge fire broke out at a Rohingya refugee camp in Bangladesh's Cox's Bazar district pic.twitter.com/p5LepvdqJD
— TRT World Now (@TRTWorldNow) March 23, 2021
Izoh (0)