AQShning Frimont sharida (Kaliforniya shtati) elektromobil ishlab chiqaruvchi Tesla zavodida yong‘in kelib chiqdi. Bu haqda KRON4 telekanali va Reuters nashriga tayanib, “RBK” xabar berdi.
Dastlabki ma’lumotlarga ko‘ra, yong‘in zavodning qurilish ishlari olib borilayotga qismida sodir bo‘ldi, voqea joyiga o‘t o‘chiruvchilar chaqirildi.
Telekanalning xabar berishicha, Tesla xodimlari olovni qum bilan o‘chirishga harakat qilmoqda.
Keyinchalik CBS SF telekanali o‘t o‘chirish xizmati vakiliga asoslanib ma’lumot berishicha, yong‘in shtamplovchi uskunaning ichida suyuq alyuminiyning gidravlik suyuqlik bilan qorishib ketgani sababli kelib chiqqan. Ma’lumotlarga ko‘ra, jabrlanganlar yo‘q, yong‘in nazoratga olingan.
Bu Frimontdagi zavodda sodir bo‘lgan birinchi yong‘in emas. Bungacha 2018-yilning avgust oyida ham yong‘in sodir bo‘lgan. O‘shanda Tesla rahbari Ilon Mask angarlardan birida qayta ishlashga tayyorlangan karton yonib ketgani, shuningdek, hech kim jabr ko‘rmagani va zavodga hech qanday zarar yetmaganini aytgan edi.
Avval ham Amerikaning Florida shtatida joylashgan SpaceX kompaniyasiga tegishli maydonda yong‘in sodir bo‘lgan edi. Mavzuga doir:- Marsga uchishga mo‘ljallangan Starship raketasi prototipi qo‘nganidan keyin portlab ketdi (video)
- SpaceX’ning Starship kemasi prototipi sinovlar chog‘ida portlab ketdi (video)
- Starship raketasi prototipi vertikal qo‘nish imkoniyatini tekshirish vaqtida yerga urilib, portlab ketdi (video)
- Ilon Maskning Starship kosmik kemasi portlab ketdi (video)
