Бангладешнинг жанубидаги Кокс-Базар шаҳрида жойлашган Балухали рохинжа қочқинлари лагерида катта ёнғин содир бўлди, бир неча киши ҳалок бўлди, деб Reuters нашрига таяниб, «Korrespondent.net» хабар берди.
Таъкидланишича, келиб чиқиши номаълум бўлган ёнғин минглаб уйларни йўқ қилган. Қурбонлар сони аниқланмоқда.
Шаҳар ҳокимиятининг хабар беришича, ёнғинни ўчириш учун ўт ўчириш хизмати, қутқарув гуруҳи, шунингдек, кўнгиллилар жалб қилинган.
Гувоҳларнинг сўзларига кўра, лагердаги тўсиқлар ёнғин ҳудудидан қочишни жуда қийинлаштирган.
SBS News маълумотларига кўра, энг камида беш киши ҳалок бўлган, ёнғиндан 20 минг киши қутқарилган, бу сўнгги йилларда қочқинлар лагерларидаги энг кучли ёнғин ҳисобланади.
Бангладеш жанубидаги лагерларда бир миллиондан ортиқ рохинжа мусулмонлари яшайди. Уларнинг кўпчилиги 2017 йилда ҳарбий репрессиялар оқибатида Мьянмадан қочиб келган. БМТ Ракхайндаги рохинжаларга нисбатан репрессияларни геноцид деб атаган, лекин Мьянма буни рад этган.
https://twitter.com/musneeem/status/1374155288136318982
Several people killed and many others missing after a huge fire broke out at a Rohingya refugee camp in Bangladesh's Cox's Bazar district pic.twitter.com/p5LepvdqJD
— TRT World Now (@TRTWorldNow) March 23, 2021
Изоҳ (0)