Islandiyaning janubi-g‘arbiy qismidagi Reykyanes yarimorolida 19-mart kuni olti ming yil uxlagan Fagradalsfyadl vulqoni otildi. Vulqon mamlakat poytaxti Reykyavikdan taxminan 30 kilometr uzoqlikda joylashgan, deb yozadi Meduza.
Reuters xabariga ko‘ra, vulqon sodir bo‘lgan joyda uzunligi 500 dan 700 metrgacha bo‘lgan yoriq hosil bo‘lgan, undan chiqqan lavalar 100 metrgacha balandlikka ko‘tarilgan. Tabiiy hodisaning dastlabki soatlarida lava bir kvadrat kilometrdan ortiq maydonga (200 ga yaqin futbol maydoniga teng) to‘kilgan.
Ta’kidlanishicha, vulqon otilishidan oldin so‘nggi to‘rt hafta ichida yarimorolda ketma-ket 40 mingdan ortiq mayda zilzilalar sodir bo‘lgan. Islandiya meteorologiya idorasi ma’lumotlariga ko‘ra, vulqon aholi va infratuzilma uchun xavf tug‘dirmaydi.
Volcano active in Iceland at the moment #fagradalsfjall #reykjanes #eldgos pic.twitter.com/FR6We2747p
— MOM air (@MOMairline) March 19, 2021
Hukumat mamlakatdagi yagona xalqaro aeroport — poytaxtda joylashgan Keblavikni yopmadi. Har bir aviakompaniya parvozlar haqida o‘zi mustaqil qaror qabul qiladi. Vulqon otilgan hududda reyslarni kechiktirish holati qayd etilmagan.
A new video of the eruption at Geldingardalur valley in Reykjanes peninsula. Taken from the Coast Guard helicopter. #Reykjanes #Eruption #Fagradalsfjall pic.twitter.com/B862heMzQL
— Veðurstofa Íslands / Icelandic Met Office (@Vedurstofan) March 19, 2021
https://www.instagram.com/p/CMnv-aeAPWr/
https://www.instagram.com/p/CMnti_4HrnV/?utm_source=ig_embed
https://www.instagram.com/p/CMnwAwpMAj9/?utm_source=ig_embed
Avvalroq o‘tgan uch hafta davomida butun Islandiyada seysmologlar 50 mingdan ortiq zilzilani qayd etgani haqida xabar berilgandi. Olimlar ushbu hodisani g‘ayrioddiy deb atab, vulqon otilish ehtimoli yuqori ekanini aytgandi. BBC’ning ta’kidlashicha, islandiyaliklar vulqon otilishiga o‘rganib qolgan, lekin zilzilalar yuz yillardan buyon bu hududda bo‘lmayotgandi.
Shuningdek, Sumatra orolida Sinabung vulqoni harakatga kelgani, Sitsiliyada Etna vulqoni, Indoneziyada Levotolo vulqoni uyg‘ongani haqida xabar berilgandi.
Izoh (0)