Fransiya bosh vaziri to‘g‘ridan to‘g‘ri efirda koronavirusga qarshi AstraZeneca vaksinasi bilan emlandi

Fransiya bosh vaziri Jak Kasteks COVID-19 koronavirusiga qarshi AstraZeneca vaksinasi bilan emlandi. Bu haqda BFM telekanali xabar bergan.

55 yoshli Kasteks vaksinaning birinchi dozasini Parij yaqinidagi Val-de-Marn departamentida joylashgan Bejen harbiy gospitalida 19-mart kuni qabul qilgan.

https://twitter.com/BFMTV/status/1372912067666194433

Avval Fransiya hukumati rahbari AstraZeneca vaksinasiga ishonchini namoyish qilish uchun barchaning ko‘z o‘ngida mazkur preparat bilan emlanishga tayyor ekanini ma’lum qilgandi.

Eslatib o‘tamiz, Yevropa Ittifoqiga a’zo mamlakatlarda AstraZeneca vaksinasi bilan aholini emlash to‘xtatib qo‘yilgan. Jumladan, Germaniya, Italiya, Ispaniya, Latviya, Litva, Daniya, Kipr, Bolgariya, Norvergiya, Niderlandiya, Islandiya va Fransiyada mazkur preparatni qo‘llash cheklangan. Biroq keyinchalik Yevropa davlatlarida preparatdan foydalanib aholini emlash qayta boshlangan. Xususan, Fransiyada 19-martdan boshlab AstraZeneca vaksinasidan foydalanishga yana ruxsat berilgan.